ភ្នំពេញ៖ តារាចម្រៀងនិងជាអ្នកនិពន្ធដ៏មានទេពកោសល្យប្រចាំផលិតកម្មសាន់ដេ លោក អ៊ីណូ បានធ្វើឲ្យទស្សនិកជនជាច្រើនមានការភ្ញាក់ផ្អើលជាខ្លាំង បន្ទាប់ពីរូបលោកបង្ហោះរូបថត បង្ហាញមុខមិត្តស្រីសំណព្វចិត្តលើគណនីហ្វេសប៊ុកផ្លូវការរបស់ខ្លួន។

បើយោងតាមគណនីហ្វេសប៊ុកដែលមានឈ្មោះថា Kla Sor បានសម្រេចចិត្តរៀបរាប់អំពីស្នេហារបស់ខ្លួនដែលមិនលាក់លៀមអ្វីទាំងអស់ គឺមានន័យថារៀបរាប់ពីទំហំចិត្តនៃក្ដីស្រលាញ់ធំខ្លាំងណាស់ទៅម្ចាស់បេះដូងនឹងអនាគតសង្សារបស់គាត់លើបណ្ដាញសង្គមហ្វេសបុកថា «ដល់ពេលហើយ មានអ្វីត្រូវខ្មាស់សំរាប់ការបង្ហាញស្រ្តីម្នាក់ដែរថ្លៃថ្នូរ ជាពិសេសសមជាស្រ្តីម្នាក់នៅក្នុងជីវិតយើង មានគម្រោងថែទាំគ្នាអស់មួយជីវិត ជាពិសេសជាងនេះទៅទៀតអាចមើលថែខ្ញុំពេលចាស់ទៅអស់មួយជីវិតដូចគ្នា មិនចង់បានឡើយអ្វីដែរជាភាពអស្ចារ្យទេ ចង់បានតែមួយមុខគឺការគោរពតម្លៃគ្នា ស្រលាញ់គ្នាដោយភាពស្មោះត្រង់ ជាពិសេសផ្តល់តម្លៃអោយគ្រួសារគ្នាទៅវិញទៅមក ក្រមានមិនសំខាន់សំរាប់ខ្ញុំ»៕ ប្រភព៖ Kla Sor