ខេត្តព្រៃវែង៖ សមត្ថកិច្ចនគរបាលស្រុកពារាំង បានធ្វើការឃាត់ខ្លួនជនសង្ស័យម្នាក់ ​​ករណីលួចកាច់កម៉ូតូ ​នៅចំណុចសាលាបឋមសិក្សា ភូមិអណ្តូង ឃុំមេសប្រចាន់ ស្រុកពារាំង ខេត្តព្រែវែង នៅវេលាម៉ោង​៨និង៤០នាទីព្រឹក ថ្ងៃ​ទី ​៤ ខែមិថុនា ឆ្នាំ២០១៨។

នគរបាលស្រុកពារាំង បានឲ្យដឹងថា ជនសង្ស័យម្នាក់ មានឈ្មោះសៀប សារ៉ន ភេទប្រុស អាយុ២៣ឆ្នាំ មានទីលំភូមិព្រែកពោធិ៍ ឃុំព្រែកពោធិ៍ ស្រុកស្រីសន្ធរ ខេត្តកំពង់ចាម បានធ្វើសកម្មភាពលួចកាច់ក ម៉ូតូ ម៉ាកសេ១២៥ ពណ៏ខ្មៅ ស៊េរី២០១៧ ពាក់ស្លាកលេខ ព្រៃវែង1K-2779 ជាម្ចាស់កម្មសិទ្ធិរបស់ឈ្មោះ វ៉ាន់ ថេងថាំង ភេទប្រុស អាយុ២៧ឆ្នាំ នៅភូមិអង្គាសដី ឃុំព្រៃព្នៅ ស្រុកពារាំង ខេត្តព្រៃវែង ពេលកំពុងធ្វើសកម្មភាព ត្រូវបានប្រជាពលរដ្ឋឃើញ រួចរាយកាណ៍ជូនសមត្ថកិច្ច ឲ្យមកអន្តរាគមន៍​ឃាត់ខ្លួនបានតែម្តង។ បច្ចុប្បន្នជនសង្ស័យ ត្រូវបាននគរបាលនាំខ្លួន មកអធិកាដ្ឋាននគរបាលស្រុកពារាំង ដើម្បីសាកសួរនិងធ្វើតាមនីតិវិធីច្បាប់ ៕ ដោយ៖ និស្ស័យ