អោយតែរឿងអាក្រក់ៗ​copyលឿនណាស់ញូម អត់និយាយពីអ្នកណាខុសឬអ្នកណាត្រូវនោះទេ! តែអ្វីដែលញូមចង់និយាយគឺ រឿងអាក្រក់ៗហេតុអ្វីបានជាយើងនាំគ្នាចូលចិត្តលើកមកនិយាយម្ល៉េះ! រឿងល្អរបស់ព្រះសង្ឃច្រើនណាស់ដែលព្រះសង្ឃបានធ្វើដើម្បីសង្គម ដើម្បីជាតិ ដើម្បីសាសនា តែហេតុអ្វីមិននាំគ្នាសរសើរនិងនិយាយពីព្រះសង្ឃផង។

អ្នកខ្លះអោយតែបានរឿងអាស្រូវរបស់លោក ចាំតែបង្ហោះ ដើរប្រាប់គេឯង ហើយអ្នកខ្លះទៀត យករឿងអាស្រូវចាស់ៗរបស់លោកដែលកន្លងផុតជាច្រើនឆ្នាំមកបង្ហោះទៀត ហើយអាងថាខ្លួនឯងល្អ ជាអ្នកកាន់ព្រះពុទ្ធសាសនា ស្រលាញ់ព្រះពុទ្ធសាសនា តែការពិតគឺកំពុងបំផ្លាញទៅវិញទេ! មនុស្សគ្មានអ្នកណាដែលមិនធ្លាប់ធ្វើខុសទេ។ អ្នកខ្លះដើរលេងផឹកស៊ីស្រីញីអូនបង ក្បត់ប្រពន្ធលួចមានស្រីខាងក្រៅ លួចសម្លាប់ឆក់ប្លន់ជាដើម ជាអំពើខុសនឹងច្បាប់តែបែរជាមិននាំគ្នានិយាយ ចុះហេតុអ្វីចូលចិត្តនិយាយពីរឿងលោកធ្វើអាក្រក់ទៅវិញ ឬដោយគិតថាលោកជាអ្នកកាន់សីល ឬ ដោយគិតថាលោកជាមុខព្រួញដែលត្រូវបាញ់ដើម្បីឆាប់បានខ្លួនល្បី? មិនថាដោយហេតុណាទេ បើយើងជាខ្មែរសូមកុំនាំគ្នាបំផ្លាញគ្នាទៀត ឈ្លោះតែគ្នាឯង សត្រូវបានចិត្ត វាចាំតែសើចវាចាំយកតែប្រយោជន៍ សូមកុំនាំគ្នាបន្ដចែកចាយអារឿងអាក្រក់ពេក ត្រូវនាំគ្នា ចែកចាយរឿងល្អ នឹងនាំគ្នាធ្វើល្អអោយបានច្រើន។ បើយើងចែកចាយរឿងអាក្រក់ ចឹងអាភាពអាក្រក់ ខ្មៅងងឹតនឹងងាយជ្រាបចូលដល់កូនខ្មែរក្រោយៗ ហើយម្យ៉ាងទៀត វាអាចធ្វើអោយមនុស្សមួយចំនួនបាត់បង់ជំនឿលើព្រះពុទ្ធសាសនា។ ដូច្នេះសូមផ្ដាំទៅព្រះសង្ឃទាំងអស់ក្នុងស្រុកខ្មែរ សូមធ្វើខ្លួនអោយល្អជាទីគោរពរបស់បរិស័ទ កុំធ្វើអោយខ្លួនឯងបាត់បង់តម្លៃដោយសាររឿងឥតប្រយោជន៍ នឹងសូមផ្ដាំទៅដល់បរិស័ទដែលកាន់ព្រះពុទ្ធសាសនាទាំងអស់ អោយមានចិត្តជ្រះថ្លា មានការគោរពយ៉ាងល្អដល់ព្រះពុទ្ធសាសនា ហើយនៅតែបន្ដគោរពស្រលាញ់ព្រះពុទ្ធសាសនារហូត ជាចុងបញ្ចប់ខ្ញុំ សូមជូនពរអោយព្រះពុទ្ធសាសនា រុងរឿងចម្រើន សូមអោយព្រះពុទ្ធសាសនា ផ្សាយទូទៅពេញសកលលោក សូមអោយប្រទេសខ្មែរមានភាពរុងរឿងរហូតជានិរន្ដិ៍។ ប្រភពៈ Ren Channa