អីយ៉ាប្លែកម្យ៉ាងដែរ! ព្រះសង្ឈមួយអង្គ ចេញដីការ ឲ្យមហាជន ក្រឡេកមើលប្រទេសមួយចំនួន ដូចជា ថៃ ភូមា ឬឡាវ ជាដើម ព្រះសង្ឈស្រុកគេ អាចលេងបាល់ ដើរគៀកករស្រី...(មានវីដេអូ)

ក្រោយផ្ទុះរឿងអាស្រូវ ព្រះចៅអធិការវត្តភ្នំបាក់លើជាមួយស្ត្រីម្នាក់ ដែលត្រូវបានទម្លាយជាវីដេអូស្និតស្នាល ធ្វើឲ្យមហាជនខឹងសម្បា និងឲ្យសង្ឈនោះសឹកជាបន្ទាន់ ស្រាប់តែមានព្រះសង្ឈមួយអង្គ ចេញវីដេអូក្លីប លើកឡើងថា បើមើលទៅព្រះសង្ឃនៅប្រទេសផ្សេងៗរួមមានថៃ ភូមា ឬឡាវជាដើម ឃើញថាព្រះសង្ឃនៅប្រទេសទាំងនេះអាចលេងបាល់ ដើរគៀកករស្រីជាដើម តែបរិស័ទរបស់គេមិនបានប្រកាន់ ឬចាប់ទោសអូសដំណើរយកជាកំហុសអ្វីនោះឡើយ ។

ប៉ុន្តែនៅស្រុកខ្មែរយើងវិញព្រះសង្ឃដ៏មានវោហារអង្គនេះមានដីកាថា ឲ្យតែឃើញមានព្រះសង្ឃខុសគិតតែពីដៀល និងរិះគន់ ទៅកាន់ព្រះសង្ឃ ហើយបានហៅជនទាំងនោះថាពុំមែនជាអ្នកស្រលាញ់ព្រះពុទ្ធសាសនាពិតប្រាកដនោះ ឡើយ តែផ្ទុយទៅវិញពួកគេគឺជាអ្នកកំពុងបំផ្លាញព្រះពុទ្ធសាសនាទៅវិញទេ។

ចំពោះការលើកឡើងបែបនេះរបស់ព្រះអង្គត្រូវបានមហាជនជាច្រើនហាក់បង្ហាញពីភាពមិនយល់ស្របហើយបានចោទសួរទៅកាន់ព្រះអង្គវិញថា តើវិន័យរបស់សង្ឃគួរប្រតិបត្តិបែបណាទៅ? ហើយបើប្រតិបត្តិធូររលុងបែបហ្នឹង វិញតើតម្លៃសាសនានឹងទៅជាយ៉ាងណា? ក្នុងនោះក៏មានមហាជនខ្លះបានពោលថាពួកគេគ្មានយោបល់ឡើយ សូមយកពិចារណាតាមការគួរចុះ៕