ក្រុងព្រះសីហនុៈ មានគ្រោះថ្នាក់ចរាចរណ៍រវាងរថយន្តមួយគ្រឿង បុកប៉ះជាមួយម៉ូតូមួយគ្រឿងជិះដោយយុវជន៣នាក់ កាលពីម៉ោងជាង៧យប់ ថ្ងៃ៥ ខែមិថុនា ឆ្នាំ២០១៨ នៅផ្លូវខាងមុខសាខាគយនិងរដ្ឋាករខេត្តព្រះសីហនុ បណ្តាលអោយយុវជនម្នាក់ធ្លាក់ពីលើម៉ូតូរងបួសជើងធ្ងន់ធ្ងរ។

ក្រោយកើតហេតុបុរសអ្នកបើកបររថយន្តដែលមហាជនថតបាន បង្ហាញថាគឺជាជនជាតិចិនបានចុះពីរថយន្តរួចហើយក៏រត់គេចខ្លួន មុនពេលសមត្ថកិច្ចទៅដល់។ ទោះជាយ៉ាងនេះក្តីសមត្ថកិច្ចអះអាងថា តាមរយៈភស្តុតាងរថយន្តនេះ សមត្ថកិច្ចនឹងស្រាវជ្រាវរកអ្នកបើកបរមកដោះស្រាយតាមនិតិវិធីច្បាប់៕ ប្រភពៈ Huy Bunleng