តាមពិតចឹងសោះ! វីដេអូសម្ភាសន៍ផ្ទាល់ ជាមួយលោក ស្រិល វណ្ណា ទៅកាន់មហាជន ពាក់ព័ន្ធនឹងការចោទប្រកាន់ របស់ នាង លីតា ថាចាប់រំលោភ ការពិតគឺ...

បន្ទាយមានជ័យ៖ នាពេលមុននេះបន្តិច ថ្ងៃទី៦ ខែ មិថុនា ឆ្នាំ ២០១៨ បើយោងតាមគណនីហ្វេសប៊ុកដែលមានឈ្មោះថា លោក ផែង វណ្ណៈ បានធ្វើដំណើតទៅកាន់ផ្ទះលោក ស្រិល វណ្ណា អតីតចៅអធិការវត្តភ្នំបាក់លើ នៅក្រុងសេរីសោភ័ណ្ឌ ខេត្តបន្ទាយមានជ័យ ដើម្បីធ្វើកិច្ចសម្ភាសន៍ផ្ទាល់ ជាមួយបងប្អូនប្រជាពលរដ្ឌខ្មែរយើង ដែលរស់នៅទីនោះ ។ គួរបញ្ជាក់ផងដែរថា សម្ថតិកិច្ចបានដោះលែង ពាក់ព័ន្ធនឹងការចោទប្រកាន់ របស់ នាង លីតា ថាចាប់រំលោភ ដោយលោក ស្រិល វណ្ណា ច្រានចោលការចោទប្រកាន់ថារំលោភនេះ គឺមិនបានរំលោភឡើយ ហើយក៍មិនបានបដិសេធថា មិនបានឱប និងថើបដែរ។

ដើម្បីជ្រាបច្បាស់ សូមទស្សនាកិច្ចសម្ភាសន៍ខាងក្រោមនេះ

អត្ថបទទាកទិននឹង៖ ព្រះចៅអធិការវត្តភ្នំបាក់លើ ស្រិល វណ្ណា ពេលនេះបានត្រឡប់ទៅដល់ផ្ទះដោយ សុវត្ថិភាពហើយ.... បន្ទាយមានជ័យ៖ បើយោងតាមគណនីហ្វេសប៊ុកដែលមានឈ្មោះថា Sril Vanna បានរៀបរាប់ថា "សូមអគុណបងប្អូនទាំងពូមីង ទាំងអស់ ដែលមានចិត្តបុណ្យ ដោយមិនខ្ពេីម រអេីមដល់រូបខ្ញុំបាទ"។

កាលពីវេលាម៉ោង ៣រសៀលថ្ងៃទី០៥ ខែមិថុនា ឆ្នាំ២០១៨ ក្រោយពេលចាប់ផ្សឹកចៅអធិការវត្ត រួចមក នគរបាលខេត្ត ខេត្តបន្ទាយមានជ័យ មិនមែនឃាត់ខ្លួននោះទេ គឺដឹករំដោះការពារសុវត្ថិភាពខ្លាចមានផ្ទុះហិង្សា ណាមួយកើតឡើងពីប្រជាពលរដ្ឋ ដែលចោមរោមនៅបរិវេនព្រះវិហារ។ ពេលនេះឈ្មោះ ស្រិល វណ្ណា ហៅអៀម វណ្ណា ត្រូវបានប្រគល់ជូនមន្ទីរធម្មការនិងសាសនាឲ្យត្រឡប់ទៅវិញហើយដើម្បីទៅពិនិត្យសម្ភារៈក្នុងកុដិវត្តភ្នំបាក់លើ និងបានត្រឡប់ទៅផ្ទះវិញដោយសុវត្ថិភាពផងដែរ។

លោក យិម យឿន ប្រធានមន្ទីរធម្មការ និងសាសនាខេត្តបន្ទាយមានជ័យបានឲ្យដឹថាក្រោយពេលផ្សឹកចៅអធិការវត្តភ្នំបាក់លើ និងអនុគណៈក្រុងសិរីសោភ័ណឈ្មោះ ស្រិល វណ្ណា ហៅអៀម វណ្ណា អាយុ៣៨ឆ្នាំ ដែលឪពុកម្តាយរស់នៅភូមិដីឡូត៍សង្កាត់ទឹកផ្លា ក្រុងសិរីសោភ័ណ ដែលត្រូវបានបរាជិកដោយចោទពីកាន់ពីស្ត្រីឈ្មោះ កាយ វិតា អាយុ១៩ឆ្នាំ រស់នៅភូមិក្បាលកោះ សង្កាត់/ក្រុងប៉ោយប៉ែត បានចោទថារំលោភ និងគម្រាមហើយត្រូវមន្ត្រីធម្មការនិងសាសនាខេត្តរួមជាមួយមន្ត្រីសង្ឃផ្សឹកត្រូវបានបញ្ចប់នៅម៉ោងរសៀលថ្ងៃទី០៥ ខែមិថុនា ឆ្នាំ២០១៨ នៅវត្តសុមាធិផលស្ថិតសង្កាត់ព្រះពន្លា ក្រុងសិរីសោភ័ណ។លោកបានបញ្ជាក់ថាក្រោយពេលផ្សឹកចៅអធិការវត្តភ្នំបាក់លើ និងអនុគណៈក្រុងសិរីសោភ័ណឈ្មោះ ស្រិលក វណ្ណា ហៅអៀម វណ្ណា គេឃើញប្រជាពលរដ្ឋជាច្រើនបានចោមរោមដោយមានការព្រួយបារម្ភខ្លាចផ្ទុះហិង្សារកើតឡើងនិងការពារសុវត្ថិភាពកម្លាំងនគរបាលស្នងការនគរបាលខេត្តប្រមាណ១០នាក់ការពារយកឡើងរថយន្តដឹកមកស្នងការដ្ឋាននគរបាលខេត្ត។លោក យិម យឿន បានបញ្ជាក់ថានៅម៉ោង២រសៀលថ្ងៃដដែលមន្ត្រីធម្មការនិងសាសនារួមជាមួយមន្ត្រីសង្ឃបាននាំឈ្មោះ ស្រិល វណ្ណា ហៅអៀម វណ្ណា ទៅវត្តភ្នំបាក់លើដើម្បីធ្វើត្រួតពិនិត្យសម្ភារៈផ្ទាល់ខ្លួនត្រូវបានប្រគល់ជូនយកទៅផ្ទះវិញ។ ហើយត្រូវបានតែងតាំងបណ្តោះអាសន្ននៅចៅអធិការវត្តភ្នំបាក់លើព្រះនាម សុភា ទិត្យ (សាំណេរ)ដែលបួស៥វស្សាមកហើយនៅវត្តភ្នំបាក់លើ ស្ថិតភូមិភ្នំបាក់សង្កាត់ទឹកផ្លា ក្រុងសិរីសោភ័ណ។តាមព័ត៌មានទទួលបានដឹកខ្លះថារឿងផ្សឹកចៅអធិការវត្តភ្នំបាក់លើតាមការចោទប្រកាន់ស្ត្រីម្នាក់ចោទប្រកាន់រំលោភនិងគម្រាមជិត៥ខែមកហើយទើបផ្ទុះរឿងដោយបង្ហោះរូបភាពចៅអធិការវត្តភ្នំបាក់លើដែលមានរូបស្និតស្នាលជាមួយស្ត្រីដែលចោទហើយរូបភាពជាច្រើនសន្លឹកដែលប៉ះពាល់សាសនាទើបទោសបរាជិកត្រូវបានផ្សឹក។ ហើយរឿងរ៉ាវដែលស្ត្រីឈ្មោះ កាយ វិតា គ្រោងប្តឹងត្រូវបានចាស់ទុំសម្របសម្រួលសុំកុំឲ្យប្តឹងដើម្បីជជែកគ្នារកដំណោះស្រាយបន្តទៀត ៕