ខេត្តកំពង់ស្ពឺ ៖ យាយចៅពីរនាក់ ត្រូវបានក្រុមចោរមួយក្រុមធ្វើសកម្មភាពចាប់ចងដៃជើងស្ត្រីជាជីដូន រួចចាប់រំលោភចៅស្រី បន្ទាប់មកក៏ប្លន់យកលុយកាក់ និងគ្រឿងអលង្ការគ្មានសល់ ដែលហេតុការណ៍នេះបានកើតឡើង កាលពីយប់ថ្ងៃទី៥ ខែមិថុនា២០១៨ នៅភូមិកណ្តាល ឃុំតាំងសំរោង ស្រុកភ្នំស្រួច ខេត្តកំពង់ស្ពឺ។ លោកយាយរងគ្រោះឈ្មោះ ងិន សុន អាយុ៦៩ឆ្នាំ និងចៅស្រីឈ្មោះ អាយុ១២ឆ្នាំ ។

បើតាមសម្តីរបស់លោកយាយដែលត្រូវជនល្មើសចាប់ចងដៃ ចងជើងនោះបានប្រាប់ឲ្យដឹងថា លោកយាយរងគ្រោះមានឈ្មោះ ងិន សុន អាយុ៦៩ឆ្នាំ ចំណែកចៅស្រីទើបនឹងអាយុ១២ឆ្នាំ មុនពេលកើតហេតុគាត់និងចៅបានរៀបចំចូលសំរាកនៅផ្ទះដូចសព្វដងរហូតដល់១១និង៣០នាទី ស្រាប់តែមានមនុស្សបិតមុខ២នាក់មកចាប់គាត់និងចៅទម្លាក់ពីលើគ្រែហើយយកខ្សែចងគាត់និងចៅបំបែកចេញពីគ្នាហើយសួររកមាសនិងលុយដែលកូនគាត់ផ្ញើទុក។ លោកយាយបានបន្តទៀតថា ចោរបានវាយគាត់ឱ្យប្រាប់ពីកន្លែងលាក់លុយ និងមាស ដោយទ្រាំមិនបាន គាត់ក៏ប្រាប់ពីកន្លែងលាក់ខ្សែក ដែលកូនស្រីគាត់ផ្ញើ និងលុយ១លានរៀល មិនតែប៉ុណ្ណោះ ក្រុមចោរបានដោះយកក្រវិលមាស១ជី ពីចៅស្រីគាត់ ព្រមទាំងចិញ្ចៀនមាស១ជី ពីគាត់ ហើយប្រមូលយកខ្សែកប្លាកទីន៥ជី ដែលលាក់ទុកក្រោមខ្នើយទៀតផង។ លោកយាយបន្តទៀតថា ក្រោយប្រមូលយកលុយ និងគ្រឿងអលង្ការបានហើយ ពួកវាបានចាប់ចៅស្រីរបស់គាត់ទៅក្រោយផ្ទះហើយ ធ្វើសកម្មភាពរំលោភចៅរបស់គាត់យ៉ាងព្រៃផ្សៃទៀតផង តែគាត់មិនអាចជួយអ្វីបានក្រៅពីអាណិតចៅស្រីឡើយ។ បើតាមការរៀបរាប់របស់ប្រជាពលរដ្ឋបាននិយាយថា ចោលទាំងអស់នោះ គ្មានអ្នកណាក្រៅពីរមនុស្សក្នុងភូមិទេ ព្រោះវាដឹងពី សកម្មភាពលោកចៅ ហើយដឹងថា ម្តាយកុមារីរងគ្រោះបានផ្ញើខ្សែកនិងលុយ ទុកនៅនឹងលោកយាយទៀតផង។ ចំពោះភាពអសកម្មរបស់មន្ត្រីនគរបាលប៉ុស្តិ៍នេះដែរបន្ទាប់ពីដឹងដល់ថ្នាក់លើ ថ្នាក់លើបានស្តីបន្ទោសយ៉ាងខ្លាំងថារឿងកើតឡើងដល់ថ្នាក់នឹងទៅហើយមិនគួរណាប៉ុស្តិ៍ចង់លាក់បាំងបែបនេះទេ។ នគរបាលខេត្តមួយរូបបានបង្ហើបថា"ក្រោយទទួលព័ត៌មានអំពីករណីនេះភ្លាមថ្នាក់លើបានចាត់កម្លាំងព្រហ្មទណ្ឌខេត្តចុះមកស៊ើបអង្កេតស្រាវជ្រាវជាបន្ទាន់ផងដែរ៕ ដោយ៖ វិឆ័យ