​ពីព្រឹកថ្ងៃទី០៦ ខែមិថុនា ឆ្នាំ២០១៨ សម្តេច ហ៊ុន សែន នាយករដ្ឋមន្ត្រី បានចុះជួប និង សំណេះសំណាល​សួរសុខទុក្ខ​កម្មករ​-កម្ម​ការ​នីប្រមាណ២២៤៧០នាក់ មក​ពីរោង​ចក្រ​សហគ្រាសចំ​នួន៨ ស្ថិតក្នុងភូមិរវាង ឃុំថ្នល់ដំបង ស្រុកជើងព្រៃ ខេត្តកំពង់ចាម។

សម្តេចហ៊ុន សែន នាយករដ្ឋមន្ត្រី ក៏បានថ្លែងដោយការភ្ញាក់ផ្អើលផងដែរ ជុំវិញ​រឿង​រ៉ាវ​ហូប​ពោត​ស្ងោរ ដែលកំពុងតែល្បីល្បាញពេញបណ្តាញសង្គមហេ្វសប៊ុក ជុំវិញរឿង​រ៉ាវ​ហូប​ពោត​ស្ងោរ (យកផ្លែពោតមកបៀមលិទ្ធ និង​កាន់​ច្បូត​បង្ហាញ​ស្រីស្នេហ៍)​ ។ ថ្លែងនៅមុខកម្ម​ករ​ជាង​២ម៉ឺន​នាក់​ សម្តេចហ៊ុន សែន លាន់​មាត់​ក្នុង​ប្រយោគសារ​ដ៏ខ្លីថា “គេផ្អើលពេញហ្វេសប៊ុក​អារឿងពោតដុត ពោតស្ងោរនេះ ចឹងទេទុកវាមួយឡែក… ឥឡូវគេតម មិនឱ្យស៊ីពោត អើយ! ស្អីក៏មានដែរ”។ គួរបញ្ជាក់ផងដែរថា រឿងអន្ទិត ស្រិល វណ្ណា ក្រោយមន្ត្រីសង្ឃចាប់ផ្សឹក និងត្រូវបាននាំខ្លួន ទៅកាន់ស្នងការនគរបាលខេត្តភ្លាមៗនោះ ព្រោះខ្លាចតែមហាជនផ្ទុះកំហឹងលើព្រះសង្ឃរូបនោះ ទីបំផុតត្រូវបានត្រឡប់ទៅផ្ទះវិញហើយ កាលពីវេលាម៉ោង៣រសៀល ថ្ងៃទី០៥ ខែមិថុនា ឆ្នាំ២០១៨។ មានវីដេអូ៖ ប្រភព៖ Khmer Post