ភ្នំពេញ ៖ សន្តិសុខយាមម៉ូតូនៅហាង "ម្ហូប​ស្រស់​លើ​ភ្នំ" បានលួចម៉ូតូរបស់ភ្ញៀវ យកទៅបាត់ដោយសុវត្ថិភាព បង្កឲ្យមានការភ្ញាក់ផ្អើលយ៉ាងខ្លាំង បន្ទាប់ពីម្ចាស់ម៉ូតូរូបនោះ គិតលុយរួចដើរមកយកម៉ូតូវិញ កាលពីវេលាម៉ោង១១​និង​៣០​នាទី​យប់​ថ្ងៃ​ទី​០៦ ខែមិថុនា ឆ្នាំ​២០១៨ នៅ​កន្លែង​ផ្ញើ​ម៉ូតូ​មុខ​ហាង​ផឹកស៊ី​យីហោ «​ហាង​ម្ហូប​ស្រស់​លើ​ភ្នំ​» ស្ថិត​នៅ​តាម​បណ្ដោយ​ផ្លូវ​២០០៤ សង្កាត់​អូ​បែក​ក្អម ខណ្ឌ​សែន​សុខ​។

ជនរងគ្រោះមានឈ្មោះ ងួ​ន រ​ដ្ឋា អាយុ​២១​ឆ្នាំ មុខរបរ​ធ្វើការ​ក្រុមហ៊ុន​ឯកជន ស្នាក់​នៅ​ម្ដុំ​អូរ​បែក​ក្អម ខណ្ឌ​សែន​សុខ ។ ចំណែក​ជនសង្ស័យ​ដែល​សន្តិសុខ​នោះ​ឈ្មោះ អូន នាង អាយុ​២៧​ឆ្នាំ ស្នាក់​នៅ​ហាង​កើតហេតុ​ខាងលើ ។ ប្រភពពីម្ចាស់ហាង បានប្រាប់ឲ្យដឹងថា នៅមុនពេលកើតហេតុ ជនរងគ្រោះបានជិះម៉ូតូម៉ាក ហុងដា​ឌ្រី​ម​ស៊េរី​ឆ្នាំ​២០១៨ ពណ៌​ខ្មៅ ពាក់​ស្លាក​លេខ​ភ្នំពេញ​1GW-2968 មកផឹកស៊ីជាមួយមិត្តភិក្ត នៅកន្លែងកើតហេតុការខាងលើ ដោយយកម៉ូតូទៅផ្ញើរ ហើយក៏ភ្លេចដកសោម៉ូតូចេញពីម៉ូតូ លុះដល់ពេលគិតលុយរួចរាល់ហើយក៏នាំគ្នាមកយកម៉ូតូ ស្រាប់តែបាត់ម៉ូតូ ទើបបង្កឲ្យមានការផ្អើលឆោរឡោពេញនឹង ភ្លាមនោះម្ចាស់ហាងក៏បានទៅឆែក​កាមេរ៉ា​សុវត្ថិភាព​ ដែលបានដាក់នៅមុខហាងនោះ ក៏ដឹងថាអ្នកលួចនោះជាសន្តិសុខយាមម៉ូតូ ទើបតែមកធ្វើការបានរយៈពេល៣ខែប៉ុណ្ណោះ។ ពេលនេះម្ចាស់ហាងនិងជនរងគ្រោះក៏បាននាំគ្នាទៅដាក់ពាក្យបណ្តឹង ​នៅ​ប៉ុស្តិ៍​នគរបាល​រដ្ឋបាល​អូ​បែក​ក្អម ដើម្បី​ឲ្យ​សមត្ថកិច្ច​ជួយ​ស្រាវជ្រាវ​រក​ម៉ូតូ​ក៏​ដូច​ជា រកមុខ​ជនសង្ស័យ​មក​ផ្តន្ទាទោស​ទៅ​តាម​ផ្លូវច្បាប់ ៕ ដោយ៖ ថៃ