ភ្នំពេញ ៖ ក្រោយ​មាន​ព័ត៌មាន​បា​នចុះផ្សាយ​យ៉ា​ងព្រោង​ព្រាត​ឲ្យដឹ​ងថា​អតីតបេក្ខជន​នៃកម្ម​វិធី «ផ្កាយរះ​ក្នុង សួន​» ទួន ឆានឈុន ត្រូវបានតុលាការកាត់ទោសឲ្យជាប់ពន្ធនាគារ៣ឆ្នាំ ករណីឆក់ទូរស័ព្ទស្រ្តីម្នាក់​នៅម្តុំអូរ​ឫស្សី ដោយចាប់​ខ្លួនបានពេលធ្វើសកម្មភាព​កាលពី​ថ្ងៃ​ទី៨ ខែ​មេសា ​ឆ្នាំ២០១៨ បានធ្វើឲ្យមហាជន​ហួស​ចិត្ត​យ៉ាង​ខ្លាំងពិសេសនោះ​ពេលបាន​ឃើញវីដេអូមុនពេលចាប់ខ្លួន រូបគេត្រូវប្រជាជនវាយយ៉ាងដំណំ។

លោក ហ្វៃ សំអាង គឺជា​អ្នក​រៀបចំ​កម្មវិធី​ «​ផ្កាយ​រះ​ក្នុង​សួន​» លោក​បាន​រៀបរាប់​ថា លោក​មាន​អារម្មណ៍​សោកស្ដាយ​ និង​ខកចិត្ត​យ៉ាង​ខ្លាំង ដោយ​មិន​នឹក​ស្មានថា អតីត​បេក្ខជន​រូប​នេះ​ទៅ​ប្រព្រឹត្ត​អំពើ​ដែល​សង្គម​ស្អប់ខ្ពើម​ដូច្នេះ​សោះ ។ គួរតែ​យក​សមត្ថភាព​ដែល​ខ្លួន​មាន​ទៅ​ប្រកប​របរ​ចិញ្ចឹម​ជីវិត មិន​គួរ​យកកេរ្តិ៍ឈ្មោះ​ដែល​ខំ​កសាង​ឡើង​យ៉ាង​លំបាកលំបិន​ទៅ​បំផ្លាញ​ត្រឹម​មួយប៉ប្រិចភ្នែក ។ ដោយ៖ នៃ