មណ្ឌលគិរីៈ ព្រឹកថ្ងៃទី១២ ខែមិថុនា ​ឆ្នាំ២០១៨ មានករណីផ្ទុះសំបក់កង់គោយន្ត​កន្ត្រៃ​ បណ្ដាលអោយបុរសម្នាក់រងរបួសធ្ងន់ធ្ងរ ហេតុការណ៍​នេះ​បាន​កើតឡើង​នៅត្រង់ចំណុច​ ភូមិ​ចក់​ចារ ឃុំ​ស្រែ​ឈូក ស្រុក​កែវ​សីមា​ខេត្តមណ្ឌលគិរី។

ជនរងគ្រោះ​មានឈ្មោះ ពៅ ចាង អាយុ២៨ឆ្នាំ​ ជា​កសិករ បាន​រងរបួស​បាក់ដៃ​ឆ្វេង​និង​រាងកាយ​យ៉ាងធ្ងន់ធ្ងរ​កំពុង​សម្រាក​ព្យាបាល​នៅ​មន្ទីរពេទ្យបង្អែក​ស្រុក​ស្នួល​ខេត្តក្រចេះ។ មុនពេលកើតហេតុ ជនរងគ្រោះ​ បានយក គោយន្ត​កន្ត្រៃមកបូម​ខ្យល់​សប់​កង់ ​​ស្រាប់តែពេលតែ​​ផ្ទុះ​កង់​ខាងស្តាំ​ដាច់ចេញពី​តួ​តែម្តង​ទើប​បណ្តាលឱ្យ​រងរបួស​យ៉ាង​ធ្ងន់ ៕