កំពង់ចាម ៖ កម្មការិនីបម្រើការងារនៅរោង ចក្រកាលីបតុន នាំគ្នារត់ចេញពីអគារដែលកំពុងបម្រើការងារដោយតក់ស្លុតយ៉ាងខ្លាំង បង្កឲ្យមានការភ្ញាក់ផ្អើលយ៉ាងខ្លាំង ដែលហេតុការណ៍បានកើតឡើងកាលពី១និង០០នាទី ថ្ងៃត្រង់ ថ្ងៃទី២០ ខែកក្តដា ឆ្នាំ២០១៨ ស្ថិតក្នុងភូមិខ្នុរដំបង ឃុំខ្នុរដំបង ស្រុកជើងព្រៃ ខេត្តកំពង់ចាម ដោយមានកម្មការិនីបានដួលសន្លប់ជាបន្តបន្ទាប់ ដល់ទៅ២១១នាក់ នៅក្នុងនោះក៏មានអ្នកមានផ្ទៃពោះចំនួន១១នាក់ផងដែរ។ បើតាមសម្តីកម្មការិនីបានប្រាប់ថា ពេលកំពុងអង្គុយធ្វើការនោះ ស្រាប់តែមានសំលេងផ្ទុះឡើង មិនទាន់ដឹកថាបណ្តាលមកពីអ្វឲ្យពិតប្រាកដនោះឡើយ។ បើក៏មានមនុស្សជាច្រើនបានរត់ចេញពីកន្លែងធ្វើការ ដើម្បីរត់ចេញមកក្រៅរោងចក្រ មួយរំពេចនោះស្រាប់តែមានមនុស្សដួលសន្លប់ជាបន្ទាប់ ភ្លាមនោះក៏បានតេហៅរថយន្តជួួសង្គ្រោះដឹកយកទៅមន្ទីរពេទ្យដើម្បីធ្វើការជួយសង្គ្រោះតែម្តង។ លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តទទួលផែនព្រហ្មទណ្ឌបានឲ្យដឹងថា បន្ទាប់ពីមានរឿងហេតុកើតឡើង ក៏បានចាត់ឲ្យកម្លាំងចុះទៅកាន់រោងចក្រជាបន្ទាន់ ដោយមានរថយន្តសម្រាប់សង្គ្រោះដឹកកម្មការិនីផងដែរ។ លោកមិនទាន់បានបញ្ជាក់ពីមូលហេតុអ្វីនៅឡើយទេ។ លោកបានបន្តទៀតថា កម្មការិនីចំនួន ១៣១នាក់ ក្នុងនោះអ្នកមានផ្ទៃពោះ៦នាក់ ដឹកយកទៅមន្ទីរបង្អែកស្រុកបាធាយ និងចំនួន៨០នាក់ ក្នុងនោះអ្នកមានផ្ទៃពោះ៥នាក់ ដឹកទៅមន្ទីរពេទ្យបង្អែកស្រុកជើងព្រៃ។ ទាក់ទិននឹងហេតុការណ៍មួយនេះ សមត្ថកិច្ចបានរកឃើញ ដុំប្រអប់អេឡិចត្រូនិកមួយផ្ទុះ ដែលបង្កឲ្យមានការភ្ញាក់ផ្អើលយ៉ាងខ្លាំងនោះ៕
