ភ្នំពេញ៖ នៅរសៀលថ្ងៃទី២២ ខែសីហា ឆ្នំា២០១៨ ការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បានធ្វើកាបង្ហាញមុខក្រុមជនសង្ស័យ៣នាក់មុននិងបញ្ចូនមកតុលារការ ចាត់ការតាមនីតិវិធីច្បាប់ ។

លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ បានប្រាប់អ្នកយកព័ត៌មាន ទូរទស្សន៍អប្សារាប៉ុស្ដិ៍លេខ១១ នៅរសៀលថ្ងៃទី២២ ខែសីហា ឆ្នាំ២០១៨ ឲ្យដឹងថា កម្លាំងនគរបាលជំនាញរបស់លោក បានបន្តធ្វើការស្រាវជ្រាវ និងសហការជាមួយកម្លាំងជំនាញរបស់នគរបាលប៉ុស្តិ៍ព្រែកប្រា នៃអធិការដ្ឋាននគរបាលខណ្ឌច្បាអំពៅ បានធ្វើការបង្ហាញមុខក្រុមជនសង្ស័យទាំង៣​នាក់ កាលពីថ្ងៃទី ២០ ខែ សីហា ឆ្នាំ ២០១៨ ជាបន្តបន្ទាប់នៅចំណុច ក្រោយរោងភាពយន្តគីរីរម្យ សង្កាត់បឹងកេងកង២ ខណ្ឌចំការមន ដែលក្រុមជនសង្ស័យទាំង៣នាក់ខាងលើពាក់ព័ន្ធប្រព្រឹត្តបទល្មើស ឆក់ទ្រព្យសម្បត្តិ ចំនួន ០៤ ករណី ។ សមត្ថកិច្ចបានបញ្ជាក់ថា ជនសង្ស័យទាំង៣នាក់៖ *ទី១ឈ្មោះ យឹម ភារុន ភេទ ប្រុស អាយុ ២៦ ឆ្នាំ ជនជាតិ ខ្មែរ មុខរបរ មិនពិតប្រាកដស្នាក់នៅផ្ទះមិនចាំលេខ ផ្លូវលំ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ ។មានដីកាបង្គាប់ឲ្យចាប់ខ្លួនលេខ ៤០១ដ.ច.ន ចុះថ្ងៃទី ១៣ ខែ មិថុនា ឆ្នាំ ២០១៨ ចេញដោយលោក ថាន់ ឡេង ចៅក្រមស៊ើបសួរសាលាដំបូងរាជធានីភ្នំពេញ ។ *ទី២ឈ្មោះ កៅ ក្វេងហុង ហៅ ភួង សុវណ្ណារ៉ូ ភេទ ប្រុស អាយុ ២២ ឆ្នាំ ជនជាតិ ខ្មែរ មុខ របរ ជាងថតរូប ស្នាក់នៅផ្ទះលេខ ៥A ផ្លូវលេខ ៣៣៤ សង្កាត់ បឹងសាឡាង ខណ្ឌ ទួលគោក ។ *ទី៣ឈ្មោះ ម៉ន រតនៈ ហៅ ណាក់តូច ភេទ ប្រុស អាយុ ២០ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះលេខ៩៤E២ផ្លូវលេខ ១៣០សង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញ ។ ចំណែកជនរងគ្រោះមានឈ្មោះ លីវ តៃហ័រ ភេទ ប្រុស អាយុ ៣១ ឆ្នាំ ជនជាតិ ចិន មុខរបរ ពាណិជ្ជករ មានទីលំនៅបច្ចុប្បន្នផ្ទះលេខ៧ ផ្លូវលេខ៣២២ ភូមិ៨ សង្កាត់បឹងកេងកងទី១ ខណ្ឌចំការមន ។ សមត្ថកិច្ចបានបន្តថា ជនសង្ស័យទាំង៣នាក់បានប្រព្រឹត្តបទល្មើស ឆក់ទ្រព្យសម្បត្តិចំនួន៤ករណីក្នុងរាជធានីភ្នំពេញនាកន្លងន្លងមក ។ បច្ចុប្បន្នជនសង្ស័យទាំង០៣នាក់ខាងលើ ការិយាល័យបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕