ម្ចាស់ពាន កម្មវិធី Cambodian Idol រដូវកាលទី០១ លោក​ នី រតនា ដែលទទួលបានការគាំទ្រជាច្រើន ពីសំណាក់ប្អូនៗយុវវ័យ។ កាលពីប៉ុន្មានខែមុននេះ លោកទើបតែភ្ជាប់ពាក្យជាមួយនឹងនារីដ៏ស្រស់ស្អាតម្នាក់ និងជាកូនម្ចាស់ហាងដ៏ធំនៅក្នុងប្រទេសកម្ពុជា។ បុរសសំដីផ្អែម រូបនេះ ស្រាប់តែពោលពាក្យថា "ស្អប់មនុស្សម្នាក់កំពុងមានថ្មី"។ ស្នេហាពិតជាធ្វើបានមនុស្សពិតមែន កាន់តែស្រលាញ់ ពេលដឹងថាគេក្បត់ ការស្អប់កាន់តែមានលើសដើមទៅទៀត។

ជាក់ស្តែកាលពីថ្ងៃទី២២ ខែសីហា លោកនី រតនា បានបង្ហើរសំនៀងក្នុងបទចំរៀងថ្មីរបស់លោក ដែលមានចំណងជើងថា "ស្អប់មនុស្សម្នាក់កំពុងមានថ្មី"។ ក្នុងបទចំរៀងមួយបទនេះ ពិតជាចាក់ដោយមិត្តៗអ្នកស្តាប់ទៀតហើយ ព្រោះថាអត្តន័យក្នុងបទចំរៀងមួយបទ បានធ្វើឲ្យមនុស្សប្រុសលែងចង់មានស្នេហាថ្មី ដោយសារស្រីដែលខ្លួនស្រលាញ់ ក្បត់យ៉ាងសាហាវ យ៉ាងស្រស់ៗនៅនឹងមុខ។ នៅលើគណនីហ្វេសប៊ុករបស់លោកផ្ទាល់បានបង្ហោះថា "ថ្មីទៀតហេីយៗ??(( ស្អប់មនុស្សកំពុងមានថ្មី ))រីករាយស្ដាប់កំសាន្តជាមួួយនឹងបទចម្រៀងថ្មីរបសខ្ញុំ ដែលទេីបតែចេញក្ដៅៗនេះ?? ទាំងអស់គ្នា ! ខ្ញុំបាទ នី រតនា សូមអរគុណដល់បងប្អូនពូមីងមិត្តៗយុវវ័យ ដែលតែងតែគាំទ្រនូវបទចម្រៀងរបស់ខ្ញុំរហូតមក សូមជូនពរបងប្អូនទាំងអស់គ្នា អោយជួបតែសុខភាពល្អ សំណាងល្អ រកទទួលទានមានបាន សូមអរគុណ ?????"។ មានវីដេអូ៖ ប្រភព៖​ Rasmey Hang Meas