ភ្នំពេញ ៖ ក្រោយពីបាត់មុខពីសិល្បះអស់រយៈដ៏យូរ តារាចម្រៀងជើងចាស់កេរ្តិ៍ ឈ្មោះល្បីលោក សួស សងវាចា ដែលជាបង្គោលក្នុងគ្រួសារ និងជាអ្នករកប្រាក់ចូលក្នុងគ្រួសារផងនោះ ពេលនេះស្រាប់តែធ្លាក់ខ្លួនឈឺ មិនអាចចេញច្រៀងបានដូចពីមុន ខណៈពេលនេះមានតែសូមអំពាវនាវដល់សប្បុរសជនមេត្តាជួយដល់បងប្រុសផង។

ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា SoTheara Pat បានធ្វើការបង្ហោះវីដេអូមួយ ជាមួយនឹងបងប្រុស កំពុងស្ថិនក្នុងមន្ទីរពេទ្យ។ ដោយសារតែឃើញពីស្ថានភាពរបស់បងប្រុសលំបាកខ្លាំងពេក ម្ចាស់គណនីហ្វេសប៊ុក ក៏បានធ្វើការសាកសួរទៅបងប្រុស ហើយបងប្រុសក៏បានរៀបរាប់ថា "រូបគាត់មានជំងឺលើសឈាម ទឹកនោមផ្អែម ដើរបានតិច ហើយមាត់របស់គាត់វិញ ឲ្យតែនិយាយច្រើន ឬជាប់ តែងតែជាប់ មិនអាចនិយាយបានច្រើននោះទេ ណាមួយបងប្រុសគឺជាមេគ្រួសារ ពេលនេះដឹងតែចេញ គ្មានចំណូលអ្វីទាំងអស់ មួយវិញទៀតបងប្រុសមិនអាចច្រៀងបានដូចមុនទេ"។ យ៉ាងណាមិញ ក៏មានពុកម៉ែ បងប្អូនជាច្រើន​កើតក្តីអាណិត ជាខ្លាំង ធ្លាប់តែឃើញគាត់ច្រៀង ស្រាប់តែមួយរយៈពេលនេះ បាត់មុខគ្មានដំណឹងអ្វីសោះ ពេលបានដំណឹងម្តងទៀត គាត់បែរជាមានអាការៈដើរមិនចង់រួចទៅវិញ។ សូមអំពាវនាវដល់សិល្បះករ សិល្បះការិនី និងពុកម៉ែ បងប្អូនទាំងអស់ មេត្តាជួយដល់បងប្រុសផង។ មានវីដេអូ៖ ប្រភព៖ SoTheara Pat