ភ្នំពេញ៖ ករណីប្លន់ដ៏សាហាវមួយនៅមុខ សាលាវ៉ាន់ដា បានធ្វើឲ្យមហាជនជាច្រើនមានការខ្លាចរអាយ៉ាងខ្លាំង ដោយចូលប្លន់ក្នុងធនាគារឆៅៗ គ្មានខ្លាចរអាអ្វីបន្តិចសោះ។

បើតាមការសន្និដ្ឋានរបស់សមត្ថកិច្ច បាននិយាយនៅក្នុង កាមេរ៉ាវីដេអូថា "ក្រុមចោរទាំងអស់នេះ ប្រហែលជាមានអង្គការចាត់តាំងនៅពីក្រោយខ្នងហើយ ព្រោះថាលុយដាក់នៅកន្លែងណា ទីណាក៏ដឹងច្បាស់ដែរ អ្វីដែលសំខាន់ក្រុមចោរទាំងនោះដឹងថា បន្ទប់ណាមានលុយ ច្បាស់ដូចថ្ងៃចឹង" ប៉ុន្តែរឿងហេតុយ៉ាងណានោះ យើងមិនទាន់ដឹងច្បាស់នៅឡើយទេ។ ក្រុមចោរមួយក្រុមមានគ្នា៦នាក់ ប្រដាប់ដោយកាំភ្លើងជាច្រើនដើម បានចូលទៅ ក្នុងធនាគារ RHB Indochina Bank (អ អេច ឥណ្ឌូឆៃណា) ប្លន់យកលុយអស់ ប្រមាណជា១០ ម៉ឺនដុល្លារ បានសម្រេច ហើយនាំគ្នា គ្នាជិះគេចខ្លួន បាត់ដោយសុវត្តិភាពបំផុត ខណះសមត្ថកិច្ចមូលរដ្ឋាន បានត្រឹម ចុះទៅពិនិត្យនៅកន្លែងកើតហេតុ តែប៉ុណ្ណោះ។ បើយោងតាមកាមេរ៉ាសុវត្ថិភាព​ដែលខាងក្រុមហ៊ុន​ធ្វើការបំពាក់នៅខាងក្នុងនោះ ដោយបង្ហាញពីសកម្មភាពក្រុមចោរ ដើរចូលទៅប្លន់នៅក្នុងធនាគារ ដោយបានចាប់សន្តិសុខយាមនៅខាងមុខធនាគារផងដែរ។ យោងតាម សន្តិសុខ យាមកាពារ ធនាគារ RHB Indochina Bank (អ អេច ឥណ្ឌូឆៃណា) បានប្រាប់សមត្ថកិច្ចឲ្យដឹងថា នៅមុនពេលកើតហេតុ ខណះដែលសន្តិសុខកំពុងអង្គុយយាម ជាធម្មតានៅក្រោម ឆត្រ័ នៅមុខ ធនាគារ ក៏ស្រាប់តែ ជនសង្ស័យ ស្លៀកពាក់ស៊ីវិលបានដើរមកក្បែរ សន្តិសុខរួចធ្វើសកម្មភាពភ្ជង់គ្រៀកសន្តិសុខ រួចនាំចូលទៅ ក្នុងធនាគារ ភ្ជង់បុក្គលិក ឲ្យប្រមូលលុយឲ្យពួកវារួចនាំគ្នារត់ចេញឡើងជិះម៉ូតូបក្សពួកវាដែលរងចាំនៅក្បែនោះបានរត់គេចខ្លួនបាត់ដោយសុវត្តិភាព ។ ប្រភពដដែលបន្តថា សន្តិសុខនិងបុគ្គលិក មួយចំនួនត្រូវបានសមត្ថកិច្ច នាំយកទៅធ្វើការ សាកសួរ ផងដែរ។ ប្រភពពីកន្លែងកើតហេតុបានប្រាប់ថា ករណីប្លន់នេះ មិនបានបង្កឲ្យបុគ្គលិកធនាគាររងរបួសអ្វីនោះទេ ប៉ុន្តែ ទឹកប្រាក់ប្រមាណជា ១០ម៉ឺនដុល្លារត្រូវបានរាយការណ៍ថាត្រូវក្រុមជនល្មើសប្លន់យកទៅ បានសម្រេច ។ ចំណែកសន្តិសុខនិងបុគ្គលិក មួយចំនួនត្រូវបានសមត្ថកិច្ច នាំយកទៅធ្វើការ សាកសួរ ផងដែរ ប៉ុន្តែទោះបីជាយ៉ាងណាក្តី នេះជារឿងថ្មី មួយដែលកើតឡើង ទាំងកណ្តាលថ្ងៃត្រង់។ គួរបញ្ជាក់ផងដែរថា ហេតុការណ៍នេះបានកើតឡើង កាលពីម៉ោង ប្រមាណជា១រសៀល ថ្ងៃទី២៣ សីហា នៅមុខ សាលាវ៉ាន់ដា ស្ថិតនៅតាមបណ្តោយផ្លូវ ម៉ៅសេងទុង សង្កាត់ សង្កាត់ទំបន់ទឹក ខណ្ឌចំកាមន ។ មានវីដេអូ៖ ប្រភព៖ The Little Queen