ក្រោយពីមានករណីប្លន់ធនាគារ អ អេច ប៊ី ឡើងកក្រើក រាជធានីភ្នំពេញ រួចមកសមត្ថកិច្ចបានដុតដៃដុតជើងតាមចាប់ជនសង្ស័យ ៥នាក់ ប្រដាប់ដោយអាវុធខ្ចប់លុយរត់ចេញយ៉ាងរហ័សនោះ ហើយភ្លាមៗនោះសមត្ថកិច្ចក៏ឃាត់ខ្លួនបានយុវជនម្នាក់ ដែលត្រូវបានគេសង្ស័យថា ជាបក្សពួករបស់ក្រុមចោរប្លន់ទាំងនោះ។

ក្រោយពីសាកសួរ អស់រយះពេលជាច្រើនម៉ោង សមត្ថកិច្ច បានសំរេចចិត្តដោះលែងយុវជនម្នាក់ ដែលត្រូវបានគេសង្ស័យថា ជាបក្សពួករបស់ក្រុមចោរប្លន់ទាំងនោះ នៅរសៀលថ្ងៃដដែលនេះ ឲ្យត្រលប់មលផ្ទះវិញហើយ៕ បញ្ជាក់ នៅក្នុងព្រឹត្តិការណ៍ដ៏គួរឱ្យរន្ធត់នោះ គឺជនសង្ស័យគឺមានគ្នាចំនួន ៥នាក់ បានដើរចូលមកគ្រៀកភ្ជង់ឱ្យសន្តិសុខ ដែលកំពុងអង្គុតនៅក្រោមឆ័ត្រ និងនាំចូលទៅខាងក្នុង និងបានធ្វើការប្លន់យកទឹកប្រាក់រត់គេចតែម្តង។ បើយោងតាមការឱ្យដឹង ពីសំណាក់សមត្ថកិច្ចបានឱ្យដឹងថា ទឹកប្រាក់ដែលត្រូវបានក្រុមចោរប្លន់យកទៅគឺ មានចំនួនរហូតទៅជាង១០ម៉ឺនដុល្លាអាមេរិកឯណោះ។ នៅពេលនេះសមត្ថកិច្ចកំពុងតែកំណត់មុខសញ្ញា និងធ្វើការសិក្សាទៅលើវីដេអូដែលទទួលបានពីកាមេរ៉ាសុវត្ថិភាពដើម្បីធ្វើការកំណត់មុខសញ្ញាក្រុមជនសង្ស័យ៕