ភ្នំពេញៈ កាលពី​ថ្ងៃទី២២ ខែសីហា ឆ្នាំ២០១៨ ត្រង់ចំណុច​ផ្លូវ​ចុះ​ពី​ស្ពាន៧មករា លើ​ដងផ្លូវ​កម្ពុជា​ក្រោម ក្រុមទី២៥ ភូមិ៧ សង្កាត់​ទឹកល្អក់​ទី១ ខណ្ឌទួលគោក រាជធានី​ភ្នំពេញ។ ជនសង្ស័យ​ម្នាក់មានឈ្មោះ សឿន ស៊ី​ណេង ហៅណេង ភេទ​ប្រុស អាយុ១៧ឆ្នាំ ជនជាតិខ្មែរ មុខរបរ ពុំ​ពិតប្រាកដ ស្នាក់នៅ​ផ្ទះជួល​ពុំ​ស្គាល់​លេខ ផ្លូវ​បេតុង ភូមិ​ស្លែង​រលើង សង្កាត់​អូ​បែកក្អម ខណ្ឌ​សែន​សុខ រាជធានី​ភ្នំពេញ។ បានធ្វើសកម្មភាពឆក់ខ្សែ.ក ស្ត្រី​រងគ្រោះ​មា្នក់មានឈ្មោះ យក់ ច​ន្ធូ អាយុ២៨ឆ្នាំ ជនជាតិខ្មែរ មុខរបរ កម្ម​ការ​នី រោងចក្រ​កាត់ដេរ ស្នាក់នៅ​ផ្ទះជួល ផ្លូវលំ សង្កាត់​ទឹកថ្លា ខណ្ឌ​សែន​សុខ រាជធានី​ភ្នំពេញ។

មុនពេល​កើតហេតុ​ស្ត្រី​រងគ្រោះ និង​ប្ដី​ឈ្មោះ ស្រី សុ​ខែម បាន​ជិះ​ម៉ូតូ​មួយគ្រឿង​ម៉ាក Honda C125 ស៊េរី ២០១៤ ពណ៌​ខ្មៅ ពាក់​ស្លាក​លេខ ភ្នំពេញ 1FE-2442 ចេញពីផ្ទះ​ក្នុង​គោលបំណង​ទៅ​ញាុំអាហារ និង​ដើរលេង នៅ​មាត់ទន្លេ ដោយ​​ប្តី​ជា​អ្នក​ឌុប លុះ​ជិះ​មកដល់​ចំណុចកើតហេតុ ស្រាប់​តែមាន​ជនសង្ស័យ​ជិះ​មកពី​ខាងក្រោយ​ខាងស្ដាំ​ដៃ​របស់​ជនរងគ្រោះ រួច​ក៏​ធ្វើ​សកម្មភាព​ឆក់យក​ខ្សែក​ពី​ជនរងគ្រោះ​បានសម្រេច ហើយ​ជនសង្ស័យ​ព្យាយាម​ជិះ​គេចខ្លួន ភ្លាមនោះ​ជនរងគ្រោះ​បាន​ស្រែកថាចោរៗ ហើយ​ជិះ​ដេញតាម​ពី​ខាងក្រោយ ភ្លាមនោះ​ជនសង្ស័យ​បាន​ជិះ​ម៉ូតូ​ទៅបុក​នឹង​ម៉ូតូ​របស់​អ្នកដំណើរ​តាមផ្លូវ បណ្ដាល​ឲ្យ​ដួល ត្រូវបាន​សមត្ថកិច្ច​ក្រ​បួ​ច​ជាប់ រួច​បញ្ជូន​យកមក​កាន់​អធិការដ្ឋាន​នគរបាល​ខណ្ឌទួលគោក ៕ ​សមត្ថកិច្ច​ដ​ក​ហូត​ខ្សែក​ប្រវែង​ប្រហែល ៤តឹក​កន្លះ ដាច់ពីគ្នា (ជា​របស់​ជនរងគ្រោះ) និង​ម៉ូតូ​មួយគ្រឿង​ម៉ាក Honda C110 (សង់​ប៊ិច) ស៊េរី ២០១២ ពណ៌​ខ្មៅ ពាក់​ស្លាក​លេខ កណ្ដាល 1R-3103 (ជា​របស់​ជនសង្ស័យ​ជិះ​ធ្វើ​សកម្មភាព​ឆក់) ៕