ក្រោយពីផ្ទុះរឿង ប្លន់ធនាគារ អ អេច ប៊ី ឥណ្ឌូឆៃណា (RHG) រួមមក សមត្ថកិច្ចបានចាប់បានជនសង្ស័យម្នាក់ ដោយសារតែពាក់អាវដូចទៅនឹង​ក្រុមចោរប្លន់នោះ ដើម្បីសួរចំលើយ។ បន្ទាប់ពីធ្វើការសាកសួររួចហើយ ជនសង្ស័យក៏ត្រូវបានសមត្ថកិច្ចធ្វើការដោះលែងមកវិញដូចធម្មតា ដោយជនសង្ស័យមិនបានពាក់ព័ន្ធអ្វីជាមួយនឹងក្រុមចោរនោះទេ។

យ៉ាងណាមិញនៅក្នុងគណនីហ្វេសប៊ុកមួយដែលត្រូវជាមិត្តភក្តិជនសង្ស័យដែលត្រូវសមត្ថកិច្ចធ្វើការឃាត់ខ្លួន ដើម្បីធ្វើការសួរចំលើយនោះ ក៏បានរៀបរាប់នៅក្នុងបណ្តាញសង្គមរបស់ខ្លួនយ៉ាងច្បាស់ៗថា "ពិតមែនហើយគាត់ជាមនុស្សស្លូតបូត ចរិតល្អ ប្រហែលអាចមកពីជាន់ដានគេហើយ សូមបណ្តាព័ត៍មានកុំទាន់សន្និដ្ឋានថាគាត់ជាចោរអី វាអាចបណ្តាលអោយប៉ះពាល់កិត្តិយស កេរ្ត៍ិឈ្មោះរបស់គាត់ទាំងមិនទាន់មានការសួរចម្លើយពីសមត្ថិកិច្ច ខ្ញុំមិនជឿថាគាត់ធ្វើបែបនិង ព្រោះវាមិនអាចទៅរួច???" ប្អូនប្រុសបានបន្តទៀតថា "ខ្ញុំជឿជាក់គាត់ គាត់មិនអាចធ្វើរឿងបែបនេះបានទេ គាត់ជាមិត្តល្អរបស់ខ្ញុំ រៀនចប់បរិញ្ញាត្រឹមត្រូវ មិនមែនជាមនុស្សបែកថ្នាំ ឬប៉ោឡែទេ មិនដឹងថាគាត់ខូចឈ្មោះប៉ុណ្ណាទេ បើដាក់ខ្នោះគាត់ចឹង គាត់ជាមនុស្សស្លូតបូត ពិតជាអាណិតគាត់ណាស់ ដោយមានការយល់ច្រលំ សូមបងប្អូនជួយស៊ែរអោយគេដឹងថាគេចាប់គាត់ច្រលំ គាត់មិនមែនបក្សពួកចោរទេ"។ ទន្ទឹមមានការបង្ហោះសារដូចនេះ ក៏មានមិត្តភ័ក្តិម្នាក់ទៀតបានរៀបរាប់នៅក្នុងបណ្តាញសង្គមហ្វេសប៊ុកដែលថា "ខ្ញុំមិនជឿថាគាត់ហ៊ានចូលរួមប្លន់ធានាគារទេ ព្រោះគាត់ជាមនុស្សធ្លាប់ស្គាល់ចរិកល្អ ហើយក៏ជាមិត្តភក្តិដែរល្អផងដែរ សូមសមត្ថកិច្ចមេត្តាសើបអង្កេតអោយបានច្បាស់លាស់មុននឹងសំរេចសេចក្តី កុំសម្លុតគំរាមគំហែងរកលុយ សូមប្រើសតិជាបុគ្គលដែលបំរើរាស្រ្ត សូមអរគុណ។ ព្រមទាំងបន្តទៀតថា​ "កម្មវិធី សំណួរចំលើយ តើបងប្អូនគិតយ៉ាងមិចចំពោះសកម្មភាពរបស់សមត្ថកិច្ច ដែលបានធ្វើការថ្វីប្រហ្វេសបែបនេះ មកចាប់មនុស្សស្លូតត្រង់ដែរមិនដឹងខ្លួនអីសោះ គ្រាន់តែភិនភាគដូចគ្នាមិនបាន20%ផង វាជាកំហុសឆ្គងរបស់សមត្ថកិច្ចដែរត្រូវចេញមុខមកដោះស្រាយជូនភាពស្អាតស្អំជូនជនរងគ្រោះដែលបានខូចកិត្តិយសនឹងពេលវេលាដែរមានតំលៃរបស់គេផង ហើយក៏សូមអោយប្រព័ន្ធផ្សព្វផ្សាយសង្គមដែលបានយករូបជនរងគ្រោះដែរជាប់ចោទពីបទប្លន់ធានាគារមកផ្សព្វផ្សាយជាសាធារណៈ ជួយចុះមកបកស្រាយជូនជនរងគ្រោះដើម្បីភាពស្អាតស្អំជូនគាត់វិញផង សូមអរគុណ"។ ទាន់ទិននឹងរឿងនេះផងដែរ ក៏មានម្ចាស់គណនីមួយដែលមានឈ្មោះថា "បើស៊ើបដឹងការពិតគួរតែផ្ដល់សំណង នឹង រកកិត្តិយសអោយគេវិញ"។ ជាក់ស្តែងនៅក្នុងគណនីហ្វេសប៊ុកមួយដែលមានឈ្មោះថា សូត ហ៊ីម ដែលត្រូវបានសមត្ថកិច្ចសង្ស័យថាជាជនល្មើសនោះ ក៏បានរៀបរាប់នៅក្នុងគណនីហ្វេសប៊ុកផ្ទាល់ខ្លួនថា "សួស្តីប្រិយមិត្ត ក្នុងបណ្ដាញfacebookទាំងអស់អោយបានដឹងថា សម្រាប់ហេតុការណ៍ដែលបានកើតឡើងចំពោះខ្ញុំនៅក្នុងថ្ងៃនេះ គ្រាន់តែជាកាយល់ច្រឡំតែប៉ុណ្ណោះ ហើយឥឡូវនេះគេបានសើុបអង្កេតហើយដែល ថាខ្ញុំពិតជាមិនបានជាមិនបានពាក់ព័ន្ធ នឹងករណីនេះមែន"។ ដោយ៖ អាខ្មៅ