រឿងដែលមនុស្សស្រីខ្លាចបំផុត គឺរឿងបែបនេះឯង!!! ឪពុកចុង ព្រោះតែខឹងកូនដើរលេង ដល់យប់ងងឹតមិនចូលផ្ទះ ទាញរំពាត់វាយធ្វើបាប បណ្តាលឲ្យមានស្នាមរបួសសុះខ្លួន

កំពង់ស្ពឺៈ កាលពីថ្ងៃទី២៣ ខែសីហា ឆ្នាំ២០១៨ ស្ថិតនៅភូមិបាយស្រា ឃុំទំព័រមាស ស្រុកសំរោងទង ខេត្តកំពងស្ពឺ។ សមត្ថកិច្ចធ្វើការឃាត់ខ្លួនបុរសម្នាក់ មានឈ្មោះ អ.ភ.ក ភេទប្រុស អាយុ៧ឆ្នាំ ដែលជាឪពុកចុង មានឈ្មោះលៀប អូនទូច ភេទប្រុស អាយុ២៩ឆ្នាំ រស់នៅភូមិ.ឃុំខាងលើ។ ដោយបានវាយធ្វើបាបក្មេងប្រុសម្នាក់ ជាកូនចុងបណ្តាលឲ្យមានស្នាមរបួសសុះខ្លួន ព្រោះតែខឹងនឹងកូនដើរលេង ដល់យប់ងងឹតទើបត្រឡប់មកផ្ទះ។

នៅមុនពេលកើតហេតុ វេលាម៉ោង៦ៈ០០នាទីព្រលប់ ថ្ងៃទី២២ ខែសីហា ឆ្នាំ២០១៨ ពេលដែលកុមាររងគ្រោះកំពុងរត់លេង ស្រាប់តែជនសង្ស័យបានយករំពាត់វាយទៅលើកុមាររងគ្រោះ បណ្ដាលឲ្យរងរបួសពេញដងខ្លួនតែម្តង។ បន្ទាប់ពីវាយទៅលើកុមាររងគ្រោះរួចមក ជនសង្ស័យបានដើរទៅផ្ទះជាធម្មតា ហាក់ដូចជាមិនមានរឿងអ្វីកើតឡើងឡើយ។ ដោយឃើញនូវទង្វើព្រៃផ្សៃរបស់ជនសង្ស័យ ទៅលើកុមាររងគ្រោះ មិនមានអ្នកណាម្នាក់ជួយអើពើនោះ ទើបសាច់ញាតិជិតខាងម្នាក់ ទៅដាក់ពាក្យបណ្តឹងឲ្យសមត្ថកិច្ច ឃាត់ខ្លួនជនបង្កតែម្តង ។ ជនសង្ស័យឆ្លើយសារភាពថា មូលហេតុដែលរូបគេយករំពាត់វាយទៅលើកុមាររងគ្រោះ ដោយសារតែគេខឹងនឹងកុមាររងគ្រោះ រត់លេងមិនដឹងយប់ ទើបកើតការខឹងសម្បារហើយវាយបែបនេះ ៕