តារាសម្តែងដ៏មានប្រជាប្រិយភាព លោក សាយ សៀរ៉ា បានធ្វើឲ្យទស្សនិកជនមានការព្រួយបារម្ភ ចំពោះលោកយ៉ាងខ្លាំង បន្ទាប់ពីរូបលោកបានផុសរូបភាពជាច្រើនសន្លឹក កំពុងតែសម្រាកនៅលើគ្រែពេទ្យ ធ្វើមុខឡើងស្អុយ។ យ៉ាងណាមិញ នៅក្នុងគណនីហ្វេសប៊ុករបស់តារាប្រុសស្រស់សង្ហារូបនេះ បានរំលេចពាក្យយ៉ាងខ្លីថា "ចូលពេទ្យហើយ គ្រួសក្នុងតម្រងនោម ចុក២ថ្ងៃតែតិចៗ ទើបតែថ្ងៃនេះថតរឿងមិនចង់កើតចុកខ្លាំងបានរត់ចូលពេទ្យ ថតនៅសាលារចនាថ្ងៃមិញ"។ ជាក់ស្តែងណាស់ កាលពីថ្ងៃម្សលមិញ តារាប្រុសរូបភាព ស្រាប់តែាមានអាការៈចុកត្រង់តម្រងនោមយ៉ាងខ្លាំង ខណៈពេលកំពុងតែថតរឿងនោះ។ លោកក៏បានរៀបរាប់នៅក្នុងគណនីហ្វេសប៊ុករបស់លោកយ៉ាងដូច្នេះថា៖

"ថតកាំរស្មីX មើលពីគ្រួសនៅតម្រងនោម ប៉ុន្មានលី ហេតុអឺមិនជាពេជ្រទៅ?"។ ទន្ទឹមនឹងការបង្ហោះរូបភាព នេះហើយមានអ្នកគាំទ្រលោកជាច្រើនក៏បានផ្ងើរសារជូនពរលោក ឲ្យឆាប់ជាសះស្បើយឡើងវិញផងដែរ។ ដោយ៖ និមល ប្រភព៖ រូប សាយ សៀរ៉ា