ភ្នំពេញ៖ ខ្សែភាពយន្តថ្មីរបស់តារាកំប្លែង ដែលដឹកនាំដោយនាយ គ្រឿន ក្នុងខ្សែភាពយន្ត "វិញ្ញាណទីងមោង" ដែលចាក់បញ្ចាំងកាលពីថ្ងៃទី២២ ខែសីហា ឆ្នាំ២០១៨ ក្នុងរោងភាពយន្ត Legen សាខាបឹងកក់។ នៅក្នុងស្នាដៃថ្មីមួយនេះ បានធ្វើឲ្យមហាជនជាច្រើនមានការកោតសរសើរពីស្នាដៃដឹកនាំរឿង ដែលធ្វើឲ្យម្នាក់សើចរហូត តាំងពីដើមរហូតដល់ចប់។

យ៉ាងណាមិញ ពិធីកររូបស្រស់ និងពូកែវោហាស័ព្ទ លោក ប៉ែន ចំរ៉ុង​ ក៏បានលើកសរសើរពីស្នាដៃថ្មីមួយនេះ លើបណ្តាញសង្គមហ្វេសប៊ុកខ្លួនថា "មិនស្មានថាភាពយន្តខ្មែររីកចំរើនដល់ថ្នាក់នេះសោះ សូមកោតសសើតចេញបេះដូងសំរាប់សមិទ្ធិផលថ្មីរឿង« វិញ្ញាណទីងមោង »របស់ របស់ផលិតកម្ម LD PICTURE ស្នាដៃដឹកនាំរឿងដោយនាយគ្រឿន ចង់សើច សើចបានតើ មកខ្លាច អរគុណសំរាប់ការលើកទឹកចិត្តរបស់ទស្សនិកជន និងបន្តរការគាំទ្របន្តទៀតដើម្បីវិស័យសិល្បះទី៧នេះរស់បន្តទៀត❤️❤️"។ តួយ៉ាងក៏មានអ្នកគាំទ្រជាច្រើន បានលើកសរសើរ និង​ ចូលមកខមិនថា "និយាយទៅមនុស្សពេញម៉ងប៉ា បើរកន្លែងសើចវិញគេសើចហ៊ោទះដៃពេញរោងកុននិយាយទៅល្អមើលណាស់???"៕ ប្រភព៖ ប៉ែន ចំរ៉ុង