កម្មវិធីប្រលងចម្រៀងលំដាប់ថ្នាក់ពិភពលោក The Voice Kids រដូវកាលទី២ មានប្អូនៗកុមារា កុមារីជាច្រើនបានមកដាក់ពាក្យប្រឡង ដើម្បីបញ្ចេញនូវសមត្ថភាព និងទេពកោសល្យ ដើម្បីបំពេញក្តីស្រម៉ៃ ។ យ៉ាងណាមិញ កាលពីថ្ងៃទី២៥ បងប្អូនជាច្រើនពិតជាបានដឹង នឹងស្គាល់កុមារាម្នាក់ ដែលមានឈ្មោះថា ឆេង ប្រសិទ្ធ ដែលទើបតែមានអាយុ១០ឆ្នាំប៉ុនណោះ បានបញ្ចេញសមត្ថភាពយ៉ាងក្រអួនក្រអៅ ក្នុងការទាក់ទាញចិត្តគណកម្មការ ទាំងបី ប្រជែងគ្នាក្នុងការដណ្តើមយកប្អូនមកធ្វើជាកូនក្រុម។

ទាន់ទិននឹងភាពល្បីល្បាញផងនោះ ក៏មានជនខិលខូចមួយចំនួន ក៏បានបង្កើតគណនីហ្វេសប៊ុកដែលបានដាក់ឈ្មោះប្អូនប្រុសផងដែរ។ តួយ៉ាង ប្អូនប្រុសក៏បានលើកឡើងនៅក្នុងគណនីហ្វេសប៊ុករបស់ប្អូនប្រុសថា "ខ្ញុំបាទសុំប្រកាសថានេះមិនមែនជាអាខោនហ្វេសបុកពិតរបស់ខ្ញុំទេ អាខោនហ្វេសបុកខ្ញុំមានតែមួយគត់គឺអាខោនឈ្មោះ Praseth Chheng នេះអែង។ សូមអរគុណសំរាប់ការគាំទ្រណាបាទ ???"។ ប្រភព៖ Praseth Chheng