ភ្នំពេញៈ តារាស្រីសិចសីុ ដួង ម៉ានិច កំពុងធ្វើឲ្យទស្សនិកជនជាច្រើន ស្ទើរដកដង្ហើមមិនដល់គ្នា ព្រោះតែមានឈុតឆាកឱបរិត ជាមួយតួប្រុសក្មេងចាស់រាប់ភ្លេច នៅក្នុងឈុតឆាកខ្សែភាពយន្តភាគថ្មីមួយរឿង "ភ្លើង" ។​ ភាពយន្តភាគរឿង "ភ្លើង" ដែលតារាសម្តែងដួង ម៉ានិច សម្តែងជាតួឯកនេះ គឺជាការផលិតរបស់ផលិតកម្មសាស្ត្រាភាពយន្ត។ ក្នុងឈុតឆាកស្រៀវស្រាវនេះ បាននិយាយអំពីជិវិតរបស់នារីជាសិល្បករផ្នែករបាំម្នាក់ ដែលរងការធ្វើបាបលើរូបរាងកាយទាំងពី បុរស និងនារី។ ក្រៅពីឈុតឆាកឈ្នានីសភាពយន្តនេះ ក៏បានបង្ហាញពីឈុតឆាកស្នេហារោលរាលរបស់ដួងម៉ានិច ជាមួយបុរសជាច្រើនគឺចាប់តាំងពីក្មេងរហូតដល់ចាស់។ ភាពយន្តនេះកំពុងតែទាក់ទាញខ្លាំងពីទស្សនិកជន ក្រោយពីគុណភាពនៃការផលិតភាពយន្តភាគខ្មែរមួយនេះ ស្ថិតនៅក្នុងចំណោមភាពយន្តភាគដែលគេកោតសរសើរខ្លាំងមុនពេលចាក់បញ្ចាំងនោះ។

ដួង ម៉ានិច នៅមិនទាន់អាចស្វែងរកការបញ្ជាក់បាននៅឡើយទេ ប៉ុន្តែបើយោងតាមប្រភពពីអ្នកសិល្បៈដែលបានចូលរួមសម្តែងក្នុងភាពយន្តនេះបានបញ្ជាក់ថា រឿងភាគថ្មីនេះគឺបានសម្រិតសម្រាំងក្នុងការផលិតខ្លាំង ដើម្បីប្រាកដថា ជាភាពយន្តផាគដែលមានគុណភាព និងបញ្ចូលទាំងឈុតឆាកស្នេហា កម្សត់ និងច្រណែនឈ្នានីសកាច់កុងគ្នាខ្លាំង។ ប្រភពលើកឡើងដែរថា ភាពយន្តនេះបានផលិតអស់ជាច្រើនខែ ដែលប្រមូលផ្តុំ ដោយតារាប្រុសស្រីល្បីឈ្មោះជាច្រើន បូករួមទាំងតារាជើងចាស់ប្រុសៗជាច្រើនដើម្បីសម្តែងឈុតឆាកស្នេហា ជាមួយតារាស្រី ដួង ម៉ានិច ដូចជាលោក ទេព រិនដារ៉ូ លោក សុខ សំណាង លោក លឹម តិចម៉ុង រួមទាំងតារាបរទេស និងតារាប្រុស Freshie Boy ជាច្រើនរូបដូចជាលោក កែវ បូរ៉ា លោក ប៉ែន ចាន់សិត និងតារាស្រីបាត់មុខជាច្រើនឆ្នាំ អ្នកនាងឡាយ លក្ខិណា ជាដើម។ ភាពយន្តនេះនឹងត្រូវចាក់បញ្ចាំងលើកញ្ចក់ទូរទស្សន៍បាយ័នក្នុងពេលឆាប់ខាងមុខនេះ។ ​ភាពយន្តនេះក៏នឹងក្លាយជាភាពយន្តភាគថ្មីមួយរបស់ទូរទស្សន៍បាយ័ន ដែលគេរំពឹងថាកំពុងប្រកួតប្រជែងភាពយន្តភាគក្នុងស្រុករបស់ទូរទស្សន៍មួយចំនួនទៀត ដូចជាភាពយន្តភាគខ្មែរ របស់ទូរទស្សន៍ PNN និងទូរទស្សន៍ហង្សមាសជាដើម៕