កំពង់ស្ពឺ ៖ កាលពី​វេលា​ម៉ោង ៨​និង​១៥ នាទី​យប់ ថ្ងៃទី​៥ ខែកញ្ញា ឆ្នាំ​២០១៨ បុរស​ម្នាក់ ត្រូវ​សមត្ថកិច្ច ចាប់វាយ​ខ្នោះ ដោយយក​ដែក​បំពង់​ទីប វាយ​ប្រពន្ធ បណ្តាលឲ្យរងរបួសធ្ងន់ ហេតុការណ៍នេះស្ថិតនៅចំណុចភូមិ​ពោធិ៍ ឃុំ​ដំណាក់​រាំង ស្រុក​ឧដុង្គ ខេត្តកំពង់ស្ពឺ​។​

ជនសង្ស័យ មានឈ្មោះ ខាន់ សុខ​ខេង អាយុ ៣៥​ឆ្នាំ នៅ​ភូមិ​ឃុំ​កើតហេតុ​ខាងលើ។ ប្រពន្ធឈ្មោះ ប៉ន ចាន់ណា អាយុ ៣២​ឆ្នាំ រស់នៅ​ភូមិ ជាមួយគ្នា បណ្ដាល​ឲ្យ រងរបួស​បែកក្បាល​។​ មូលហេតុមកពីប្តីស្រវឹងហើយមិនព្រមដេក រួចប្រពន្ធក៏បានប្រាប់ថា បើស្រវឹងហើយទៅដេកទៅ ស្រាប់តែស្ទុះយកបំពង់ទីប វាយទៅលើប្រពន្ធយ៉ាងខ្លាំង។ សាច់ញាតិជនរងគ្រោះបានប្រាប់ឲ្យដឹងថា ជនបង្កតែងតែប្រើអំពើហឹង្សាលើប្រពន្ធជារៀងរាល់ថ្ងៃ ដោយទ្រាំមើលកូនស្រីឈឺទៀត ទើប​ឪពុក​បង្កើត បានដាក់​ពាក្យបណ្តឹង ឲ្យ​សមត្ថកិច្ច នគរបាល ជួយ​អត្ត​រាគ​មន៍ រក​យុត្តិធម៌ ជូន​កូនស្រី ឈានទៅ​ឃាត់ខ្លួន បុរស​ជា​ប្តី នាំមក​សាកសួរ ដើម្បី​ចាត់ការ តាមច្បាប់​៕ ដោយ៖ អាខ្មៅ