គ្រាន់តែទទួលបានដំណឹងថា លោក កឹម សុខា ត្រូវបានដោះលែងភ្លាម មានមនុស្សម្នាជាច្រើន បានទៅជួបជុំគ្នានៅមុខផ្ទះរបស់លោក ព្រមទាំង...

ភ្នំពេញ ៖ កាលពីប៉ុន្មានម៉ោងមុននេះ នៅក្នុងគណនីហ្វេសប៊ុករបស់លោក ផែង វណ្ណៈ ក៏បានធ្វើការបង្ហោះរូបភាពរបស់លោក កឹម សុខា ដោយរូបលោកក៏បានរៀបរាប់ថា "រូបថតថ្មី ដែលលោក កឹម សុខា បានមកដល់ក្នុងផ្ទះរបស់លោកវិញនៅទួលគោក បន្ទាប់ពីជាប់ឃុំអស់រយះពេល ៣៧១ ថ្ងៃ នៅមណ្ឌលអប់រំកែប្រែទី ៣ ត្រពាំងផ្លុង ស្រុកពញាក្រែក ខេត្តត្បូងឃ្មុំ" ។

យ៉ាងណាមិញក៏មាន សកម្មជនដែលគាំទ្រលោក កឹម សុខា ដែលត្រូវជាអតីតប្រធានគណបក្សសង្រ្គជាតិ បានទៅប្រមូលផ្តុំនៅមុខផ្ទះរបស់លោក ដើម្បីរង់ចាំទទួលលោក នៅមុខផ្ទះ ក្រោយពីទទួលបានដំណឹងថា លោកត្រូវបានគេដោះលែង នៅថ្ងៃទី១០ ខែកញ្ញា ឆ្នាំ២០១៨នេះ ដែលស្ថិតនៅផ្ទះលេខ៩៧ ផ្លូវ៣១៣ សង្កាត់បឹងកកទី២ ខណ្ឌទួលគោក ដោយមានមនុស្សម្នាជាច្រើនចោមរោមគ្នាមកសួរសុខទុក្ខរូបលោកដោយផ្ទាល់ តែយ៉ាងណមិញ មិនទាន់បានឃើញរូបលោកចេញមកធ្វើការសំណេះសំនាល ជាមួយអ្នកគាំទ្ររបស់លោកនៅឡើយទេ។