ភ្នំពេញ ៖ ក្រោយពីបានដំណឹង ពីការដោះលែងរបស់លោក កឹម សុខា​ ភ្លាមនោះ ក៏មានពុកម៉ែ បងប្អូន ជាច្រើនបានទៅរង់ចាំលោកនៅខាងមុខផ្ទះ ដើម្បីចង់ដឹងពីសុខទុក្ខរបស់លោកផងដែរ។ តែការរង់ចាំនោះ បែរជាខកខាតទៅវិញ ដោយលោក​កឹម សុខា មិនបានចេញមកជួបពួកគាត់នោះទេ។

នៅថ្ងៃទី១០ ខែកញ្ញា លោក ចាន់ ចេ​ង មេធាវី​ការ​ក្តី​ឲ្យ​លោក កឹ​ម សុខា បានអះអាង ពីការដែលលោកកឹម សុខា មិនព្រមចេញមកជួប ពុកម៉ែ បងប្អូននោះ គឺមកពីសុខភាពរបស់លោកមិនសូវល្អ ទើបមិនអាចចេញមកជួយពុកម៉ែ បងប្អូនបាន។ មេធាវីរបស់លោក កឹម សុខា ក៏បានប្រាប់ឲ្យដឹងថា "តុលាការ ឲ្យ​លោក កឹ​ម សុខា ចេញពី​ពន្ធនាគារ​ជា​បណ្តោះអាសន្ន ហើយ​ស្ថិត​នៅ​ក្រោម​ការ​ត្រួតពិនិត្យ ។ តាម​រយៈ​មេធាវី​ការពារ​ក្តី​លោក កឹ​ម សុខា បានប្រាប់ថា ពេលនេះលោក លោក កឹម សុខា​ នៅមិនទាន់ចេញមុខមកសួរសុខទុក្ខពុកម៉ែ បងប្អូនបាននៅឡើយទេក្នុងពេលនេះ។ គួរបញ្ជាក់ផងដែរថា លោកកឹម សុខា ត្រូវ​បាន​តំណាង​អយ្យកា​រដាក់​ឲ្យ ស្ថិត​នៅ​ក្រោម​ការ​ពិនិត្យ​ពី​បទ "ស​ន្និ​ដ្ឋិ​ភាព​ជាមួយ​បរទេស"៕ ដោយ៖​ ភារ៉ា