ភ្នំពេញៈ ស្ត្រីចំណាស់ម្នាក់ មានឈ្មោះ ឌី ផល្លារ ភេទស្រី អាយុ៤៧ឆ្នាំ មានទីលំនៅភូមិរោងក្រ សង្កាត់គោកឃ្លាង ខណ្ឌសែនសុខ។ បានសម្រេចចិត្តដាក់ពាក្យបណ្តឹង ឲ្យសមត្ថកិច្ចចាប់ខ្លួនក្មេងស្រីម្នាក់ មានឈ្មោះ កែវ គន្ឋសុវណ្ណនី ភេទស្រី អាយុ១៧ឆ្នាំ មុខរបរសិស្ស រៀននៅវិទ្យាល័យ។ ដែលគាត់បានយកមកចិញ្ចឹមផ្គត់ផ្គង់ឲ្យរៀនសូត្រ ប៉ុន្តែនាងបែរមកលួចយកលុយរបស់គាត់អស់២ម៉ឺនដុល្លារ កាលពីថ្ងៃទី០១ ខែមករា ឆ្នាំ២០១៩។,
យោងតាមបណ្តឹងរបស់ជនរងគ្រោះខាងលើ បានឲ្យដឹងថា កាលពីខែមករា ដើមឆ្នាំ២០១៨ គាត់បានទទួលយកឈ្មោះ កែវ គន្ឋសុវណ្ណនី ជាសាច់ញាតិឲ្យមករស់នៅជាមួយបានជាគ្នាផង និងបានជួយផ្គត់ផ្គង់ទំនុកបម្រុងនាងឲ្យរៀនបានសូត្របន្ត ដើម្បីអនាគតល្អរបស់នាង។ ក្រោយមកនៅថ្ងៃទី១ ខែមករា ឆ្នាំ២០១៩ នេះ នាង កែវ គន្ឋសុវណ្ណនី បានទៅរៀនធម្មតា តែបាត់ខ្លួន៣ថ្ងៃ អត់មកផ្ទះសោះ នៅពេលនោះគាត់បានទៅឆែកមើលលុយរបស់គាត់ ដែលលាក់ទុកក្នុងកាតាបដាក់នៅក្រោមគ្រែ ស្រាប់តែបាត់អស់រលីង គឺមានលុយខ្មែរចំនួន៣លានរៀល និងលុយអាមេរិក ចំនួន១០២៥០ដុល្លារទៀត សរុបអស់១១០០០ដុល្លារ។
ជនរងគ្រោះបានបញ្ជាក់ថា នៅពេលដឹងថា បាត់លុយភ្លាម ក៏បានទៅឆែកកាមេរ៉ាសុវត្ថិភាពមើល ទើបឃើញរូបសកម្មភាព ឈ្មោះ កែវ គន្ឋសុវណ្ណនី ចូលលួចយកលុយគាត់នៅក្រោម ខណៈគាត់កំពុងតែនៅខាងក្រៅផ្ទះ។ ក្រោយមក នៅថ្ងៃទី០៣ ខែមករា ឆ្នាំ២០១៩ នាងបានត្រឡប់មកផ្ទះវិញ គាត់ក៏បានហៅនាងមកសួរនាំរឿងបាត់លុយនោះ តែនាងនៅតែបដិសេធថា មិនបានយក ពេលនោះគាត់ក៏បានបង្ហាញរូបភាពវីដេអូកាមេរ៉ាសុវត្ថិភាព ដែលគាត់បានដាក់បង្កប់ក្នុងបន្ទប់ឲ្យនាងមើល ទើបសារភាពថា បានយកលុយនោះចាយអស់មួយចំនួនធំ។
ក្រោយមក ជនរងគ្រោះ បានសម្រេចចិត្តប្តឹងសមត្ថកិច្ចនគរបាលមូលដ្ឋាន ឲ្យមកទទួលយកនាងទៅចាត់ការតាមផ្លូវច្បាប់ទៅតាមទោសទណ្ឌ ដែលនាងបានប្រព្រឹត្តដោយអំពើក្បត់លោភលន់មកលើអ្នកផ្គត់ផ្គង់ទំនុកបម្រុងនាង៕
.jpg?1711449474)
.png?1711277130)
.jpg?1711253609)
.jpg?1711202579)
.jpg?1711202579)
.jpg?1711253609)
.png?1711277130)
.jpg?1711449474)
