សូមបង្កើនការប្រុងប្រយ័ត្ន បងប្អូន អគ្គិភ័យឆាបឆេះផ្ទះមួយខ្នង ខ្ទេចសល់តែផេះ នៅស្រុកពួក
សៀមរាបៈ កាលពីវេលាម៉ោង១០ៈ៣០នាទីយប់ ថ្ងៃទី១៣ ខែមករា ឆ្នាំ២០១៩ ភូមិកំពង់តាយ៉ង ឃុំពួក ស្រុកពួក ខេត្តសៀមរាប។ មានហេតុការណ៍អគ្គីភ័យឆាបឆេះផ្ទះប្រជាពលរដ្ឋមួយខ្នង ដែលមានម្ចាស់ឈ្មោះ ឡោ វណ្ណះ ភេទប្រុស អាយុ៥២ឆ្នាំ និងប្រពន្ធឈ្មោះ ស្រី វណ្ណី អាយុ៤៨ឆ្នាំ នៅភូមិកំពង់តាយ៉ង ឃុំពួក ស្រុកពួក ខេត្តសៀមរាប មុខរបរធ្វើស្រែ។
អគ្គិភ័យនេះបណ្តាលខូចខាតផ្ទះ ទាំងស្រុង និងទ្រព្យសម្បត្តិមួយចំនួន ហើយផ្ទះនេះសង់ឡើងអំពី ថ្មមួយកំណាត់មុខខាងក្រោយជញ្ជាំងក្តា ប្រក់សង្កសី ដែលមានទំហំ បណ្តោយ១១ម៉ែត្រ គុណ៨ម៉ែត្រ។ អន្តរាគមន៍ពីខាងរថយន្តពន្លត់អគ្គិភ័យ បានប្រើប្រាស់ទឹកអស់២ឡាន និងប្រជាពលរដ្ឋ ជួយអន្តរាគន៍ជាច្រើននាក់ផងដែរ ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។
