ស្ដែងៗខ្លាំងណាស់... មុនពេលកើតហេតុបុរសម្នាក់ ជិះម៉ូតូដឹកសាំង គេចរថយន្ត ដួលផ្ទុះឆេះស្លាប់មួយរំពេច យ៉ាងអណោចអធម៌.... (មានវីដេអូ)

ភ្នំពេញៈ កាលពីថ្ងៃទី២៤ ខែមករា ឆ្នាំ២០១៩ កន្លងទៅនេះ ស្ថិតនៅតាមបណ្តោយ ផ្លូវ៣៣៧ សង្កាត់បឹងកក់១ ខណ្ឌទួលគោក រាជធានីភ្នំពេញ។ មានគ្រោះថ្នាក់ចរាចរណ៍ដ៏រន្ធត់មួយ បណ្ដាលអោយបុរសម្នាក់ ត្រូវភ្លើងឆាបឆេះស្លាប់ យ៉ាងអាណោចអាធ័ម ដោយសារជិះម៉ូតូដឹកសាំង ជ្រុលទៅបុកជាមួយរថយន្ត បណ្តាលឲ្យផ្ទុះឆេះសន្ធោសន្ធៅ រាលដាលដល់រថយន្តឡិចស៊ីសមួយគ្រឿង ដែលចតទុកចោលបង្កឱ្យមានការភ្ញាក់ផ្អើល ដល់អ្នកដំណើរនៅតាមដង់ផ្លូវ។

ដោយឡែកកាលពីពេលថ្មីៗនេះ មានការបញ្ចេញវិដេអូមួយ ស្តីពីហេតុការខាងលើ ដែលថតដោយកាម៉េរ៉ាសុវត្ថិភាពនៅម្តុំកន្លែងនោះ មុនពេលកើតហេតុឃើញថា ម៉ូតូដឹកសាំងខាងលើ បានបើកក្នុងល្បឿនលឿន លុះមកដល់ចំនុចផ្លូវបែកជាបួន ក៏វ៉ាក់អើជាមួយឡាន ក៏គេចបណ្តាលឲ្យដួល ឆាបឆេះសាំងដែលដឹកនោះ ឆេះស្លាប់មួយរំពេចយ៉ាងអណោចអធម៌។ សូមទស្សនាវីដេអូខាងក្រោមៈ