បុរសម្នាក់ដែលឆក់យកបានក្តីស្រលាញ់ និងការគោរព សរសើរ ពីសំណាក់កូនខ្មែរជាច្រើន និងជាបុរសម្នាក់ ដែលមានគុណបំណាច់ចំពោះកូនខ្មែរ ដែលរស់នៅក្នុងតំបន់គំនរសម្រាម ព្រមទាំងផ្គត់ផ្គង់ដល់ការសិក្សា កន្លែងស្នាក់នៅ រហូតដល់ពួកគាត់បានសម្រេចគោលបំណង ទៅតាមអ្វីដែលពួកគាត់ចង់បាន។ ហើយអ្វីដែលកាន់ពិសេសនោះ គឺធ្វើឲ្យពួកគាត់បានរួចផុតពីក្តីទុក្ខវេទនា ក្នុងការរស់នៅក្នុងជីវិតដល់ខ្មៅងងឹតនោះ។
Scott Neeson គឺជាស្ថាបនិកអង្គការ មូលនិធិកុមារកម្ពុជា (CCF) ដែលបានជួយដល់កូនខ្មែរជាច្រើន បានទទួលការរៀនសូត្រ និងមានកន្លែងជ្រកកោន ព្រមទាំងបានធ្វើឲ្យក្មេងជាច្រើន មានអនាគតតាមបំណងប្រាថ្នា។ ហើយក៏មានកូនខ្មែរជាច្រើន បានថ្លែងអំណរគុណចំពោះទឹកចិត្តដ៏ល្អមួយនេះ គ្មានថ្ងៃអាចបំភ្លេចបាន។
កាលពីថ្ងៃទី ០៥ ខែមិថុនា ឆ្នាំ២០១៩ នៅលើបណ្តាញសង្គមហ្វេសប៊ុក របស់លោក បានបង្ហោះសារថា "មានពេលខ្លះ ក្តីសុបិន្តរបស់មនុស្សយើង គឺលើសពីការពិតទៅទៀត។
ប្រសិនបើត្រលប់ក្រោយទៅឆ្នាំ២០០៦ ខ្ញុំធ្លាប់បានទៅសួរសុខទុក្ខសុភីដល់ផ្ទះ នៅលើទីលានចាក់សម្រាមជាទៀងទាត់។ រាល់ពេលការទៅសួរសុខទុក្ខទាំងនេះមិនដែលមានរឿងសប្បាយទេ ប៉ុន្តែវាជាការចាំបាច់។
ដូចដែលរូបភាពខាងលើគេបង្អស់បានបង្ហាញហើយ ក្នុងនោះមានរូបខ្ញុំពាក់អាវយឺតព៌ណខៀវ។
កាលពី សុភី អាយុ១១ឆ្នាំ នាងមិនទាន់បានចូលរៀននៅឡើយទេ។ស្រដៀងគ្នានឹងក្មេងដទៃទៀតនៅតំបន់នេះ អ្វីដែលពួកគេត្រូវធ្វើគឺចាប់យកឱកាសសិក្សា ហើយសុភីបានចាប់យកឱកាសសិក្សានេះនិងទទួល បានជោគជ័យក្នុងកាសិក្សាយ៉ាងឆាប់រហ័ស។
ឆ្លងកាត់ជីវិតដ៏លំបាកលំបិនតាំងពីក្មេងមក សុភី បានក្លាយជាសិស្សដំបូងបង្អស់របស់អង្គការមូលនិធិកុមារកម្ពុជា ដែលទទួលបានអាហារូបករណ៍ពេញពីសកលវិទ្យាល័យដ៏មានកិត្យានុភាពមួយគឺសកលវិទ្យាល័យមែលប៊ន( Melbourne )។
ហើយកាលពីម្សិលមិញនេះ សុភីបានបញ្ចប់ការសិក្សាថ្នាក់ឆ្នាំសិក្សាមូលដ្ឋាននៅមហាវិទ្យាល័យTrinity និងចាប់ផ្តើមថ្នាក់បរិញ្ញាបត្ររបស់នាងបន្តទៀត។ សុន្ទរកថារបស់នាងពិតជាធ្វើឲ្យយើងរំជួលចិត្តមែនទែន និងមានភាពបើកចំហ និងការលើកទឹកចិត្ត។
តើភាពជោគជ័យមួយនេះគួរតែបានយកមកពិចារណា រាល់ពេលយើងជួបនឹងបញ្ហាប្រឈមប្រចាំថ្ងៃដែរឬទេ? សូមចូលរួមអបអរសាទរ សុភី ដែលនាងបានបង្ហាញអោយយើងទាំងអស់ឃើញថា កុមារគ្រប់រូបអាចមានសមត្ថភាពធ្វើបាន។
សូមជួយចែករំលែកភាពជោគជ័យនេះដល់អ្នកដែលត្រូវការ ការជំរុញទឹកចិត្ត។
ប្រភព៖ Scott Neeson
