ប្រិយមិត្តជាច្រើនប្រាកដជាបានស្គាល់ លោក ផែង វណ្ណៈ ហើយ ដែលលោកជាបុគ្គលម្នាក់ ស្រលាញ់យុត្តិធម៏ និង ជួយដល់សង្គម ជួយដល់ជនរងគ្រោះ ជួយដល់ចាស់ជរា ក្មេងកំព្រាដែលមានជំងឺ និងក្មេងៗពិការជាដើម ជាពិសេសនោះ ជួយដល់ជនរងគ្រោះ រឿងដីធ្លី ដែលមានអ្នកមានអំណាចជាច្រើន ជិះជាន់ប្រជាពលរដ្ឋក្រីក្រ យកដីធ្លីឥតក្តីមេត្តាដល់រាស្រ្តស្លូតត្រង់ និងជាពូជសាសន៍តែមួយ ។
ដោយឡែកកាលពីប៉ុន្មានមុននេះ ហ្វេសប៊ុកលោក ផែង វណ្ណៈ បានបង្ហោះសាររៀបរាប់ពីជីវិតនៅពីក្មេងក្នុងសម័យសង្គ្រៀម ក្នុងសារនោះនិយាយថា៖ "សញ្ញាព្រួញគឺ តារា ហ្វេសបុក ផែង វណ្ណៈ នៅឆ្នាំ ១៩៨៨, ៨៩,៩០ បេីមាន ហ្វេសប៊ុក ដូចសម័យនេះ ពួកខ្ញុំមិនដឹងទទួលបានការជូនពរច្រេីនយ៉ាងណាទេពេលចេញច្បាំងម្ដងៗ ។ តែពេលនោះសូម្បីតែលា ឪពុកម្ដាយបងប្អូន មិនបានផង ព្រោះត្រូវចេញដំណើរម៉ោង ១២ យប់អាធ្រាត្រ ។
អាយុទេីបតែ ១៨-១៩ ឆ្នាំ បេីករថពាសដែកចេញច្បាំង ព្រោះតែស្រុកកេីតសង្គ្រាម ។ ក្មេងសម័យនេះមានសំណាងព្រោះពេញវ័យពេលស្រុកចប់សង្គ្រាម" ។