នៅកាលពីយប់មិញនេះ ឆ្លងចូលថ្ងៃទី២៨ ខែសីហា ឆ្នាំ២០១៩ វេលាម៉ោងប្រហែង ២៖០០រំលងអាធ្រាត្រ បានកើតមានរឿងភ្ញាក់ផ្អើលមួយបានកើតឡើង ដោយសារតែអធិការរងទទួល ផែនចរាចរណ៍ នគរបាលខណ្ឌច្បារអំពៅ ម្នាក់មកស្រែកខ្លាំងៗ រួចបានវាយទៅលើក្រុមអ្នកសារព័ត៌មានថែមទៀតផង។

នេះបើយោងទៅតាម អង្គភាពសារព័ត៌មាន TVFB  បានធ្វើការលើកឡើងឲ្យនដឹងនៅលើបណ្តាញសង្គមថា ៖ គ្រាន់តែរថយន្តទំនើប Range Rover ពណ៌ស ពាក់ស្លាកលេខ 2AF-8899 បើកបុកខឿន សួនច្បារ នៅចំណុចគល់ស្ពានច្បារអំពៅ ខូចខាតហើយ ព្យាយាមបើកបញ្ច្រាសផ្លូវស្ពាន តែមិនអាចបើកទៅមុខបាន ដោយសារតែរថយន្ត នោះដាច់សំបកកង់ចេញពីរថយន្តអស់ធ្វើឲ្យទៅមុខលែងបាន ក៏ឈប់នៅលើស្ពានច្បារអំពៅ ហើយក៏មានក្រុមអ្នកសារព័ត៌មាន

 និងក្រុមការ ងារ TVFB ទៅធ្វើការឡាយ ព័ត៌មានតាមវិជ្ជាជីវៈ នៅចំណុចកន្លែងកើតហេតុដែលជាផ្លូវសាធារណៈ ស្រាប់តែពេលនោះ មានលោកអធិការរងទទួល ផែនចរាចរណ៍ នគរបាលខណ្ឌច្បារអំពៅ ម្នាក់ដែលមិនមានឯកសណ្ឋាន ដៃកាន់វិទ្យុទាក់ទង ហើយមកស្រែកខ្លាំងៗ អោយអ្នកយកព័ត៌មាន បិតឡាយសិនទៅ ព្រោះមេពីលើតេមក អោយបិត តើមានអ្វីត្រូវលាក់បាំងគ្រាន់តែគ្រោះថ្នាក់ចរាចរណ៍លើផ្លូវសាធារណៈសោះនឹង ស្រាប់តែលោកអធិការរងទទួល ផែនចរាចរណ៍ នគរបាលខណ្ឌច្បារអំពៅ ម្នាក់ដែលមិនមានឯកសណ្ឋាននោះ ក៏មកចាប់ប្រទាញអ្នកកាសែតដែលកំពុងឡាយនោះអោយបិតភ្លាម

 ហើយលោកថែមទាំងរក ចាប់ខ្លួនអ្នកការសែត និងបានជេម្រាយ និងប្រើហិង្សាលើអ្នកព័ត៌មានទៀត តែដោយមានការទទួលស្គាល់កំហុសពីលោកអធិការរងទទួលផែនចរាចរណ៍នគរបាលខណ្ឌ ច្បារអំពៅនោះ បានធ្វើការ សុំទោសដល់ ក្រុមការងារ TVFB នៅនឹងមុខលោកអធិការនគរបាលខណ្ឌច្បារអំពៅ យើងក៏មិនចង់មានបញ្ហា វែងឆ្ងាយដែរ ហើយក្រុមការងារក៏មិនបានដាក់ពាក្យបណ្ដឹងអ្វីដែរដោយសារត្រូវមានការយោគយល់តែសុំឲ្យលោកសមត្ថកិច្ចដែលជានគរបាលយុត្តិធម៌សូមមានសីលធម៌ក៏ដូចជាវិជ្ជាជីវៈក្នុង នាមជានគរបាលសមត្ថកិច្ចដែលបម្រើប្រជាពលរដ្ឋ ហើយយើងក៏សង្ឃឹមថា និងថ្នាក់លើ និងមានការណែនាំគាត់ផង ។សូមអរគុណ

សូមទស្សនាវីដេអូខាងក្រោមៈ

ប្រភព៖ TVFB