កាលពីពេលថ្មីៗនេះ យុវជនខ្មែរម្នាក់ឈ្មោះ ហុង ភារិន បានធ្វើឲ្យមហាជនជាច្រេីនមានការភ្ញាក់ផ្អើល និងមោទនភាពយ៉ាងខ្លាំងក្រោយរូបគេបានចូលរួមបង្ហាញសមត្ថភាពពិសេសធ្វើការតេស្ដសមត្ថភាពនៃការចងចាំ ក្នុងកម្មវិធីប្រឡងសមត្ថភាពរបស់ទូរទស្សន៍ប្រទេសថៃហើយ ក្រោយឆ្លងកាត់៣វិញ្ញាសាបានដោយជោគជ័យ រូបគេបានទទួលរង្វាន់តាមការស្នើសុំនោះគឺសៀវភៅ និងឧបករណ៍សិក្សាសម្រាប់ចែកចាយក្មេងៗក្រីក្រ ដែលរស់នៅឯខេត្តជ័យភូមិ សរុបជាទឹកប្រាក់ចំនួន ៤៥,០០០បាត លើសពីនេះខាងកម្មវិធីក៏បានបន្ថែមទឹកប្រាក់ទៅឲ្យបេក្ខជនរូបនេះចំនួន ១០,០០០ បាត ដើម្បីផ្តល់ទៅឲ្យអ្នកម្តាយនៅឯផ្ទះ ហើយគេទទួលបានការកោតសរសើរពីប្រជាជនថៃ លើសមត្ថភាពចងចាំដ៏ពិសេសអស្ចារ្យ គឺ ការចាំប្រតិទិនដល់ទៅ 700 ឆ្នាំ និងសមត្ថភាពចងចាំរូបភាពយ៉ាងអស្ចារ្យ មិនគួរឱ្យជឿ ហើយត្រូវគេបានដាក់រហហ្សនាមឲ្យយុវជននោះថា «អច្ឆរិយៈកម្ពុជា» ថែមទៀតផង។
ដោយឡែកនៅមុននេះបន្តិចមានគណនីហ្វេសបុកមួយមានឈ្មោះ Willy Sam បានបង្ហោះវីដេអូទាក់ទងនឹងយុវជនខ្មែរ ហុង ភារិន ៕ ខាងក្រោមនេះជាខ្លឹមសាររបស់ Willy Sam បានរៀបរាប់អោយដឹងថា:
("(វីដេអូឃ្លីប)កិច្ចសម្ភាសន៍របស់វិទ្យុនិងទូរទស្សន៍ ថោន អ្នកនាង ម៉ូលីនី ជាមួយក្មួយប្រុស ហុង ភារិន្ទ យុវជនខ្មែរដ៏អស្ចារ្យដែលបានឡេីងទៅបង្ហាញសមត្ថភាពនៅក្នុងកម្មវិធីដ៏ល្បីល្បាញរបស់សៀមគឺ Super 100 កាលពីសប្ដាហ៍មុន។ ប្រវត្តិនៃជីវិតរបស់ ហុង ភារិន្ទ កម្សត់ តស៊ូមិនធម្មតាប៉ុន្មានឡេីយ។ មានស្រុកកំណេីតនៅស្រុកចម្ការលេី ខេត្តកំពង់ចាម?????")
សូមទស្សនាវីដេអូខាងក្រោមទាំងអស់គ្នា: