ការចាកចេញពីប្រទេសកំណើតទៅធ្វើការនៅក្រៅប្រទេសពិតជាមិនងាយស្រួលប៉ុន្មានទេ ពេលខ្លះចំកន្លែងល្អ យើងរស់នៅបានស្រួល ប៉ុន្តែបើចំកន្លែងមិនល្អប្រាកដណាស់ច្បាស់ជាវេទនាជាមិនខានទេ។ យ៉ាងណាមិញយោងតាមប្រភពគណនីហ្វេសបុកមួយមានឈ្មោះ រ៉ាគីន សុភារិទ្ធ បានបង្ហោះរឿងរ៉ាវនារីម្នាក់ត្រលប់មកពីប្រទេសចិន មានសតិមិនល្អ មិនដឹងសាច់ញាតិនៅទីណាទេ៕

នារីរូបនេះឈ្មោះ​ ថុង សភ័ណ ភេទ: ស្រី សញ្ជាតិ: ខ្មែរ កើតឆ្នាំ១៩៨៧ មិនដឹងសាច់ញាតិនៅណាទេ ពេលនេះកំពុងតែស្វែងរកសាច់ញាតិរបស់គាត់ហើយ ដោយសារមានសភាពមិនប្រក្រតី។ សូមបញ្ជាក់ថាគាត់បានជិះយន្តហោះពីចិន មកដល់ ស្រុកខ្មែរវិញ នៅយប់ថ្ងៃទី២៧ ខែ០៨ ឆ្នាំ២០១៩

ឥឡូវនេះគេបានបញ្ជូនប៉ុស្ត៍ប៉ូលីសដើម្បីសាកសួរបន្ថែម នឹងប្រកាសរកសាច់ញាតិ។ បើតាមសំដីគាត់ គេបោកគាត់យកទៅលក់បំរើសេវាផ្លូវភេទ ។

ប្រភព:រ៉ាគីន សុភារិទ្ធ