ឯកឧត្តម គួច ចំរើន អភិបាលខេត្តថ្មី ដែលបានកាន់តំណែង អស់រយៈពេលជាងពីរខែមកហើយនោះ លោកបានធ្វើឲ្យទីក្រុងព្រះសីហនុ ហាក់មានសភាពល្អប្រសើរជាងមុន ដោយលោកបានការប្រមូលសំរាម ជួសជុលផ្លូវថ្នល់ ជាដើម។ ក្តីរំភើបនេះ បានធ្វើឲ្យមហាជន មានសេចក្តីត្រេកអរ និងសាទរចំពោះ ការបម្រើរាស្រ្ត អស់ពីចិត្ត ពីថ្លើម ។
ដោយឡែកកាលពីពេលថ្មីៗនេះ នៅលើបណ្តាញសង្គមហ្វេសប៊ុក បានធ្វើការចែករំលែកយ៉ាងច្រើន ពីសមត្ថភាព ដ៏អស្ចារ្យរបស់លោក ហុង ភារិន ដែលបានឡើងប្រគួតក្នុងកម្មវិធី "Super 100" នៅឯប្រទេសថៃ ។ បុគ្គលម្នាក់នេះ គឺជានិស្សិតខ្មែរ ដែលមានសមត្ថភាព លើសពីមនុស្សដ៏ទៃ ។
ជាក់ស្តែងថ្ងៃនេះ លោក ហុង ភារិន ដែលនិស្សិតឆ្នើម ឬ គេគ្រប់គ្នាហៅថា មនុស្សអច្ឆរិយៈ បានជួបជាមួយឯកឧត្តម គួច ចំរើន ដែលជាអាយដល (Idol) របស់លោកហើយ ហើយនេះក៏ជាក្តីប្រាថ្នាមួយដែលលោកមកប្រទេសកម្ពុជាដែរ។ នៅក្នុងគណនីហ្វេសប៊ុក របស់ ប្រជាជន ខេត្តព្រះសីហនុ បានបង្ហោះសារថា "«លោកពូ គួច ចំរើន ជាអាយដល របស់គាត់»
បំណងមួយរបស់លោក ហុង ភារិន ពេលមកដល់កម្ពុជា គឺចង់ជួបជាមួយ ឯកឧត្តមគួច ចំរើន និងលោកជំទាវ ។ នៅពេលនេះ បំណងមួយនេះបានដូចបំណងហើយ ដោយការជួបប្រកបដោយ ភាពកក់ក្ដៅ ស្នាមញញឹម និងភាពរីករាយ ។
ប្រភព៖ ប្រជាជន ខេត្តព្រះសីហនុ
