នាពេលថ្មីៗនេះ នៅលើបណ្តាញសង្គមហ្វេសប៊ុក បានធ្វើការចែករំលែក ពីយុវជនឆ្នើមម្នាក់ ឈ្មោះថា ហុង ភារិន ដែលមានទេពកោសល្យ ចងចាំ បានយ៉ាងល្អ រហូតទទួលបានរហ័សនាមថា "អច្ឆរិយកម្ពុជា" ក្រោយពីធ្វើការប្រកួតប្រជែងនៅក្នុងកម្មវិធី "Super 100" នៅប្រទេសថៃ ។
បន្ទាប់មក លោកក៏បានមកដល់កម្ពុជា ហើយក៏បានចូលរួម ក្នុងទូរទស្សន៍ហង្សមាស ដោយលោកបានប្រាប់ពី បច្ចេកទេសនៃការចងចាំ បានយ៉ាងល្អ ។ ទន្ទឹមនឹងនេះ នៅលើបណ្តាញសង្គមហ្វេសប៊ុករបស់លោក បានថ្លែងអំណរគុណចំពោះលោក ឧកញ៉ា តែ តាំងប៉ ប្រធានសម្ព័ន FASMEC និងប្រធានមូលនិធិអភិវឌ្ឍនសហគ្រាសធុនតូចនិងមធ្សម និងឧកញ៉ា ទុយ គី ប្រធានសភាខេត្តពោធិសាត់ ដែលមានទឹកចិត្តល្អ បានឧបត្ថម្ភទឹកប្រាក់ដល់រូបខ្ញុំបាទចំនួន 13,5 លានរៀលដោយមានការចូលរួមពីឯកឧត្តម អ៊ូក សោភ័ណ ឯកអគ្គរាជទូតនៃព្រះរាជាកម្ពុជាប្រចាំរាជាណាចក្រថៃ ដើម្បីជាការលើកទឹកចិត្ត និងចូលរួមវប្បធម៌ចែករំលែក។
លោកបានរៀបរាប់ទាំងស្រុងថា "ខ្ញុំបាទឈ្មោះ ហុង ភារិន សូមថ្លែងអំណរគុណយ៉ាងជ្រាលជ្រៅ ចំពោះលោកឧកញ៉ា តែ តាំងប៉ ប្រធានសម្ព័ន FASMEC និងប្រធានមូលនិធិអភិវឌ្ឍនសហគ្រាសធុនតូចនិងមធ្សម និងឧកញ៉ា ទុយ គី ប្រធានសភាខេត្តពោធិសាត់ ដែលមានទឹកចិត្តល្អ បានឧបត្ថម្ភទឹកប្រាក់ដល់រូបខ្ញុំបាទចំនួន 13,5 លានរៀលដោយមានការចូលរួមពីឯកឧត្តម អ៊ូក សោភ័ណ ឯកអគ្គរាជទូតនៃព្រះរាជាកម្ពុជាប្រចាំរាជាណាចក្រថៃ ដើម្បីជាការលើកទឹកចិត្ត និងចូលរួមវប្បធម៌ចែករំលែក។
លេីសពីនេះលោកឧកញ៉ា នៅពេលអនាគត មានគម្រោងជួយដល់កម្មវិធី Business Start Up ដេីម្បីជួយពង្រឹងការសិក្សាដល់សិស្ស និស្សិតគ្រប់រូបនិងដេីម្បីបេីកឱកាសឲសិស្ស និស្សិតមានឱកាសដេីម្បីចូលរួមចំណែកក្នុងការអភិវឌ្ឍនប្រទេសជាតិអោយកាន់តែរីកចំរេីន។
ខ្ញុំបាទសូមគោរពជូនពរលោកឧកញ៉ាតែ តាំងប៉ និងលោកឧកញ៉ាទុយ គី និងព្រមទាំងក្រុមគ្រួសារ មានសុខភាពល្អ មានសុភមង្គល និងជោគជ័យក្នុងការងារ ព្រមទាំងពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ប្រភព៖ Phearin Phakorn