ភ្នំពេញ៖ នៅរសៀលថ្ងៃទី១៥ខែកញ្ញាឆ្នាំ២០១៩នេះ ក្រុមហ៊ុនដាណាទ្រីខេមបូឌាត្រេនឌីង ខូអិលធីឌី បានរៀបចំមហាសិក្ខាសាលា ជួបជុំតំណាងចែកចាយទាំងអស់របស់ផលិតផល NNP CAMBODIA ប្រចាំខេត្តកំពង់ចាម និងខេត្តត្បូងឃ្មុំ ក្រោមអធិបតីភាពលោកអគ្គនាយក ហ៊ីង បញ្ញារិទ្ធ និងលោកស្រីអគ្គនាយិកា ទ្រី ដាណា ដែលសិក្ខាសាលានេះ រៀបចំធ្វើឡើងនៅសណ្ឋាគារ ៧មករា ក្នុងទីរួមខេត្តកំពង់ចាមដែលមានតំណាងចែកចាយចូលរួមប្រមាណ៣០០នាក់។

នាឱកាសនោះលោក ហ៊ីង បញ្ញារិទ្ធ អគ្គនាយកក្រុមហ៊ុន ដាណាទ្រី ខេមបូឌាត្រេនឌីង ខូអិលធីឌី ក៏បានបង្ហាញអារម្មណ៍រំភើបចំពោះវត្តមាន តំណាងចែកចាយទាំងអស់ដែលបានអញ្ជើញចូលរួមក្នុងកម្មវិធីមហាសិក្ខាសាលានៅថ្ងៃនេះ ដែលសិក្ខាសាលានេះនិងផ្ដល់នូវចំណេះដឹងជាច្រើនអំពីយុទ្ធសាស្រ្តនៃការលក់ផលិតផល NNP ការរកទីផ្សារដើម្បីចែកចាយផលិតផលលក់បន្ត និងការប្រើប្រាស់ Page Facebook អោយបានត្រឹមត្រូវចំគោលដៅកាន់ល្អប្រសើរថែមទៀត។

ជាមួយគ្នាផងដែរលោកស្រី ទ្រី ដាណា អគ្គនាយិកាក្រុមហ៊ុនក៏បានផ្ដល់នូវយុទ្ធសាស្រ្ដ និងគន្លឹះសំខាន់ៗក្នុងការលក់ផលិតផល NNP ការបង្កើតអាជីវកម្មផ្ទាល់ខ្លួនដល់តំណាងចែកចាយអោយបានយល់ដឹង ក្នុងគោលបំណងដើម្បីលើស្ទួយដល់ស្រ្តីមេផ្ទះ និងអាជីវករលក់ដូរ អោយឈានដល់គោលដៅឆ្ពោះទៅរកភាពជោគជ័យដោយ កុំអោយមានការភ័យខ្លាច និងមានការខ្មាស់អៀនផ្សេងៗ។

បន្ទាប់ពីទទួលបានការចែករំលែកបទពិសោធន៍របស់លោកអគ្គនាយកនិងអគ្គនាយិកា ក្រុមហ៊ុន ដាណាទ្រី ខេមបូឌាត្រេនឌីង ខូអិលធីឌី រួចមក លោកស្រី ឃាន លីណា និងលោកស្រី ថា នីដា ដែលជាម្ចាស់ដេប៉ូចែកចាយផលិតផលគ្រឿងសំអាងម៉ាក NNP ប្រចាំខេត្តកំពង់ចាម និងខេត្តត្បូងឃ្មុំ ក៏បានចែករំលែកអំពីប្រវត្តិនៃការចាប់ផ្ដើមអាជីវកម្មជាមួយក្រុមហ៊ុន ដាណាឌ្រី បទពិសោធន៍អំពីការលក់ផលិតផលម៉ាក NNP ការចុះទៅទីផ្សារផ្ទាល់ ការហ្វឹកហាត់កូនក្រុម ការផ្ដល់ទំនុកចិត្តដល់តំណាងចែកចាយ និងភាពខុសប្លែកគ្នាមុននិងក្រោយពេលចាប់ផ្ដើមអាជីវកម្មជាមួយក្រុមហ៊ុន ដាណាទ្រី ។

គួរបញ្ជាក់ថា នេះជាលើទី២ហើយដែលក្រុមហ៊ុន ដាណាទ្រី ខេមបូឌាត្រេដឌីង ខូអិលធីឌី បានរៀបចំមហាសិក្ខាសាលានេះ ដែលលើកទី១គឺបានធ្វើឡើងនៅលើទឹកខេត្តសៀមរាបអង្គរកាលពីចុងខែសីហាកន្លងមកនេះ។

ចុងបញ្ចប់នៃកម្មវិធីលោកអគ្គនាយកនិងលោកស្រីអគ្គនាយិកា ក៏មានការចាប់រង្វាន់និងប្រគល់រង្វាន់ជាច្រើនដល់តំណាងចែកចាយ ដើម្បីជាការលើកទឹកចិត្តដល់តំណាងចាយទាំងអស់អោយខិតខំប្រឹងប្រែងចំពោះអាជីវកម្មផ្ទាល់ខ្លួនទៅថ្ងៃខាងមុខបន្តទៀត ដើម្បីឆ្ពោះទៅរកភាពជោគជ័យក្នុងជីវិត៕