តែមួយប៉ព្រិចភ្នែកសោះ កូនចៅគ្រប់រូបពិតជាមានទុក្ខជាទំងន់ ដោយបានបាត់បង់មនុស្សសំខាន់ដ៏ទៅពីររូប ទី១ គឺព្រះមហាថេរ ឡឹង ធៀម ព្រះរាជាគណៈថ្នាក់ចត្វា បានសុគតក្នុងព្រះជន្មាយុ ១០៤ព្រះវស្សា លោកជាកំពូលថេរខាងធម្មបទ បែបបូរាណ ទី២. សម្ដេចព្រះរៀម នរោត្តម បុប្ផាទេវី បុត្រីច្បងរបស់ព្រះករុណា ព្រះបរមរតនកោដ្ឋ សោយទីវង្គតក្នុងព្រះជន្មាយុ ៧៧ព្រះវស្សា ។
ដោយឡែកនៅក្នុងគណនីហ្វេសប៊ុកមួយដែលមានឈ្មោះថា លីមភេ សេងឃាង ដែលជាកូនខ្មែរមួយរូប បានបង្ហាញអារម្មណ៍ក្តុកក្តួលជាខ្លាំង ។ នៅក្នុងគណនីហ្វេសប៊ុកខាងលើ បានបង្ហាញថា"ថ្ងៃតែ១ កម្ពុជាបាត់បង់កំពូលមនុស្សចំនួនពីរព្រះអង្គ៖ ១. ព្រះមហាថេរ ឡឹង ធៀម ព្រះរាជាគណៈថ្នាក់ចត្វា បានសុគតក្នុងព្រះជន្មាយុ ១០៥ព្រះវស្សា លោកជាកំពូលថេរខាងធម្មបទ បែបបូរាណ ២. សម្ដេចព្រះរៀម នរោត្តម បុប្ផាទេវី បុត្រីច្បងរបស់ព្រះករុណា ព្រះបរមរតនកោដ្ឋ សោយទីវង្គតក្នុងព្រះជន្មាយុ ៧៧ព្រះវស្សា ទ្រង់ជានាដការីដ៏ឧត្តមវិសេសន៍។ សូមថ្វាយ និងប្រគេនព្រះកុសល និងព្រះអាល័យ"។
ទន្ទឹមនឹងនេះ មានបងប្អូនប្រជាពលរដ្ឋខ្មែរជាច្រើន ក៏បានចូលរួមរំលែកទុក្ខយ៉ាងក្រៀមក្រំ និងសូមថ្វាយព្រះកុសល សូមដួងព្រះវិញ្ញាណក្ខន្ធ សម្ដេចរាជបុត្រី ព្រះរៀម ស្ដេចយាងសោយសុខក្នុងព្រះបរមសុខគតិភពគុំបីឃ្លៀងឃ្លាតឡើយ"៕
ប្រភព៖ លីមភេ សេងឃាង
