ភ្នំពេញ៖ គណនីហ្វេសប៊ុកដែលមានឈ្មោះថា Royal du Cambodge បានធ្វើការបង្ហោះឲ្យដឹងថា៖ ព្រះញាតិវង្សនៃព្រះសព សម្តេចរាជបុត្រីព្រះរៀម នរោត្តម បុប្ផាទេវី សូមស្វាគមន៍យ៉ាងកក់ក្តៅចំពោះមហាជនទាំងអស់ដែលមានបំណងចង់មកថ្វាយការគោរព និងថ្វាយព្រះកុសល ថ្វាយព្រះសពរបស់ព្រះអង្គ នាវត្តបទុមវតីរាជវរារាម ចាប់ពីវេលានេះ រហូតដល់ថ្ងៃថ្វាយព្រះភ្លើង នៅថ្ងៃអាទិត្យ ទី២៤ ខែវិច្ឆិកា ឆ្នាំ២០១៩ ខាងមុខនេះ។
កម្មវីធីដង្ហែព្រះសពឆ្ពោះទៅព្រះមេរុ ដេីម្បីប្រារព្ធព្រះពិធីថ្វាយព្រះភ្លើងខាងមុខវត្តបទុមវតី ប្រព្រឹត្តទៅនៅថ្ងៃទី២៥ ខែវិច្ឆិកា ខាងមុខនេះវេលាម៉ោង ៦ព្រឹក។ មហាជនទាំងអស់អាចអញ្ជើញចូលរួមដង្ហែ ដេីម្បីថ្វាយព្រះដំណេីរជាលេីកចុងក្រោយ ក្នុងក្បួនមហាជន រឺឈរតាមបណ្តោយផ្លូវ ដែលគណៈកម្មាធិការបុណ្យជាតិរៀបចំ ។
យ៉ាងណាមិញនៅកាលពីពេលថ្មីៗនេះនៅលើគនណីហ្វេសប៊ុកដែលមានឈ្មោះថា ៖ Sokun Nisa បានធ្វើការលើកឡើងឲ្យដឹងនៅលើបណ្តាញសង្គមហ្វេសប៊ុកថា ៖ ទូលព្រះបង្គុំ សូមថ្វាយព្រះអាល័យ ថ្វាយដល់ ដួងព្រះវិញ្ញាណក្ខន្ធ សម្តេចរាជបុត្រី ព្រះរៀម បុប្ផាទេវីទេពនាដវដ្តីឯក????? ៕
