បន្ទាយមានជ័យ៖ ដេប៉ូលក់ចែកចាយដុំរាយ ស្រាក្រហមដ៏ធំនៅក្រុងប៉ោយប៉ែត ត្រូវបានកម្លាំងនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ សហការជាមួយកម្លាំងនគរប្រឆាំងបទល្មើសសេដ្ឋកិច្ចខេត្តបន្ទាយមានជ័យ នគរបាលក្រុងប៉ោយប៉ែត នៅវេលាម៉ោង៤ល្ងាចថ្ងៃទី27/11/2019នេះ បានឆ្មក់ចុះបង្ក្រាប ដកហូតបានស្រាក្រហមជាច្រើនកេស តែមក្លែងក្លាយបារីជាច្រើនកេស តែមពន្ធគយក្លែងក្លាយរាប់សិបសន្លឹក មនុស្ស៣នាក់ត្រូវបានឃាត់សួរនាំតាមច្បាប់។

ទីតាំងលក់ស្រា​ខាងលេីស្ថិតនៅទល់មុខសាលាព្រហ្មនិមិតស្ថិតក្នុងភូមិក្បាលស្ពាន១សង្កាត់​និងក្រុងប៉ោយប៉ែត​ខេត្តបន្ទាយមានជ័យ​ ស្រាដែលសមត្ថកិច្ចចុះបង្ក្រាបនេះមានច្រេីនប្រភេទដូចជា​(វាញ​ និង​ វីស្គី​) ជំហាន​ដំបូងមន្ត្រីជំនាញ​បានប្រមូលយកវត្ថុតាង​ទៅរក្សាទុកដោយសង្ស័យ​ ថា​ ម្ចាស់ផ្ទះ​អាចលួចផលិតស្រា​ទាំងនោះក្លែងក្លាយ​ ។ តែយ៉ាងណា​ពលរដ្ឋ​នៅក្រុងប៉ោយប៉ែតលេីកឡេីងថា​ ទីតាំងលក់ស្រា​ខាងលេី​ បានប្រែក្លាយជីវភាពជាអ្នកមានទ្រព្យវាល់លានដូល្លារទៀតផង​ ព្រោះ​មុខ​របរ​នេះគេធេី្វជាង២០ឆ្នាំ​មកហើយ​ ។

លោកឧត្តមសេនីយ៏​ ទោ​ ឡុង​ស្រេង​ ដឹកនាំកម្លាំងដោយឆ្លងយោបល់ពី​លោក​ ឧត្ដមសេនីយ៍ឯក ចាន់ វ៉ាន់ធឿន ប្រធាននាយកដ្ឋាននគរបាលប្រឆាំបទល្មើសេដ្ឋកិច្ច​បានអោយដឹងថាកម្លាំង​បានចុះបង្ក្រាបបទល្មើផលិតវេចខ្ចប់ស្រាក្រហមក្លែងបន្លំម៉ាក​និងស្លាក​សញ្ញានោះរួមមាន៖​ Tenfolds Bin 2 Bin 8 Bin707Bin128 Bin407Bin389ស្រាចំនួន២៤៨កេស=១៤៨៨ដបស្រាក្រហម88ចំនួន ១៣២កេះ=១៥៨៤ដប សំបកប្រអប់៩៣ដុំ=៩៣០សន្លឹកស្ទុីឃើរ៥២ដុំ=៥២០០សន្លឹក សំបកកេស៤០០ដុំ=១០០០០កេស ក្លែក្លាយ (កម្មសិទ្ធបញ្ញា)។

ប្រតិបត្តិការ​ចុះបង្ក្រាប​នេះបានសហការជាមួយស្នងការដ្ឋាននគរបាលខេត្ដបន្ទាយមានជ័យ និងអាជ្ញាធរមូលដ្ឋានដោយមានការសម្របសម្រួលពីលោកមាស ចន្ទពិសិទ្ធ ព្រះរាជអាជា្ញ​ ខេត្ដបន្ទាយមានជ័យ ។

ដោយឡែកស្លាកសញ្ញាតែមពន្ធ័គយដែលទុកសម្រាប់បិទនៅលេីដបស្រានោះក៏សុទ្ធតែបានថតចម្លងក្លែងទាំងអស់​ អ្នក​ច្បាប់​ថា​ ម្ចាស់​ហាងបេីព្រះរាជអាជ្ញារងឃេីញមានបទល្មេីសធ្ងន់ធ្ងរនោះអាចនឹងត្រូវមានទោសទណ្ឌទៀតផង​ ព្រោះ​សូម្បី​តែបណ្ណ័ពន្ធ័គយក៏ជាបទល្មេីសមួយបាត់ទៅហេីយ​ ចុះទំរាំនិងក្លែងស្លាកសញ្ញាផ្សេងៗទៀតនោះមុខជាមិនរួចខ្លួនទេ​ ៕