ភ្នំពេញ ៖ ពលរដ្ឋបានរិះគន់កម្លាំងគណៈបញ្ជាការឯកភាពខណ្ឌដូនពេញ២នាក់ ដែលសកម្មការងារជ្រុលពេក បានចុះមកធ្វេីការដេញអ្នកលក់ដូរមីឆាទឹកសុទ្ធតាមរទេះមុខផ្សាររាត្រី ទាំងខ្លួនស្រវឹងស្រាជោគជាំ បានទាក់សំដីគ្នារវៀងអ្នកលក់ដូរ គណៈបញ្ជាការកភាពខណ្ឌដូនពេញ ចំនួន២រូប ។
ហេតុការភ្ញាក់ផ្អេីលនេះ បានកេីតឡេីងកាលវេលាម៉ោង១១និង៥០នាទីយប់ថ្ងៃទី០៧ ខែមករា ឆ្នាំ២០២០ ស្ថិតតាមបណ្ដោយផ្លូវព្រះសុីសុវត្តិ ត្រង់ចំណុចមុខផ្សាររាត្រី ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។
យោងតាមប្រភពពីប្រជាពលរដ្ឋបានបន្ថែមទៀតថា ស្ទេីរាល់ថ្ងៃគេសង្កេតឃេីញបុគ្គល២នាក់ខាងលេីឲ្យតែស្រវឹងគេតែងតែមកដល់មុខផ្សាររាត្រីនិងធ្វេីការដេញអ្នកលក់ដូរតាមរទេះលេីផ្លូវនិងលេីការ៉ូឡា(លេីសួន)ជាដេីម តែការដេញនេះហាក់ដូចជានិយមបក្សពួកពេក ដោយដេញតែរទេះខ្លះ រទេះខ្លះទៀតគេមិនដេញឡេីយ ។
ជាក់ស្ដែងនៅយប់ថ្ងៃទី០៧ វេលាម៉ោងជិត១២ទៅហេីយ ឃេីញបុគ្គល២នាក់ខាងលេីមកដេញពួកគាត់ទៀត ដោយក្នុងស្ថានភាពស្រវឹងនិឈ្លោះឬកែកគ្នាផ្អេីលទាំងកណ្ដាលអធ្រាត មិនដឹងថាការងាររដ្ឋបាលពួកគាត់ធ្វេីពីម៉ោងណាដល់ម៉ោងណាឲ្យច្បាស់លាស់នោះទេ ចំណែកអ្នកលក់ដូរនៅមុខផ្សាររាត្រី បានចោទសួរថា តេីឲ្យពួកគាត់ចូលលក់ដូរនៅម៉ោងណា? ហេីយបេីដេញត្រូវដេញទាំងអស់គ្នា មិនត្រូវនិយមបក្សពួកឡេីយ។
ក្រោយពេលកេីតហេតុ សមត្ថកិច្ចប៉ុស្តិ៍វត្តភ្នំ បានចុះមកដល់ទីតាំងកេីតហេតុ បានអោយភាគីទាំងចរចារគ្នានិងសម្របសម្រួលគ្នា ដេីម្បីបញ្ចប់វិវាទវៀងអ្នកលក់និងកំលាំងសន្តិសុខខណ្ឌ៕
