ក្រសួងធនធានទឹក និងឧតុនិយម សូមជម្រាបជូន ពុក ម៉ែ បង ប្អូន ជីដូន ជីតា ទាំងអស់ឲ្យបានជ្រាបពីស្ថានភាពធាតុអាកាសនៅកម្ពុជា ចាប់ពីថ្ងៃទី០៤ ដល់ថ្ងៃទី១០ ខែកុម្ភៈ ថា ស្ថានភាពធាតុអាកាស នៅតាមជ្រលង និងមានសម្ពាធខ្ពស់ រំកិលគ្របដណ្តប់លើកម្ពុជា៖
ទី១ នៅតាមតំបន់ជួរភ្នំដងរែក និងខ្ពង់រាមឦសាន
- នៅថ្ងៃទី០៤ដល់ថ្ងៃទី០៨ ខែកុម្ភៈ ធាតុអាកាសត្រជាក់នៅពេលព្រឹក
- សីតុណ្ហភាពអប្បបរមា មានពី១៧-២១អង្សាសេ
- សីតុណ្ហភាពអតិបរមា មានពី២៩-៣២អង្សាសេ
ទី២ នៅតំបន់វាលទំនាបកណ្តាល
- សីតុណ្ហភាពអប្បបរមា មានពី២០-២៣អង្សាសេ
- សីតុណ្ហភាពអតិបរមា មានពី៣១-៣៣អង្សាសេ
ទី៣ នៅតំបន់មាត់សមុទ្រ
- សីតុណ្ហភាពអប្បបរមា មានពី២២-២៤អង្សាសេ
- សីតុណ្ហភាពអតិបរមា មានពី៣១-៣៣អង្សាសេ
នៅថ្ងៃទី៩ដល់១០ ខែកុម្ភៈ ផ្នែកមួយចំនួននៃបណ្តាខេត្តនៅតំបន់វាលទំនាបភាគខាងក្រោម និងខេត្តនៅជាប់មាត់សមុទ្រ នឹងអាចមានភ្លៀងក្នុងកម្រិតខ្សោយទៅមធ្យម។ អាស្រ័យស្ថានភាពធាតុអាកាសដូចបានជម្រាបជូនខាងលើ សូមសាធារណជនជ្រាបជាព័ត៏មាន៕
