ជប៉ុនខំចិត្តល្អ ឲ្យនាវា​កម្សាន្ត Diamond Princess ចុះចត ចុងក្រោយរកអ្នកផ្ទុកវីរុសកូរ៉ូណា៤៤​នាក់​បន្ថែមទៀត សរុប២១៨​ករណី....

រដ្ឋមន្រ្តីក្រសួងសុខាភិបាលជប៉ុនលោក Katsunobu Kato បានឲ្យដឹងនៅថ្ងៃព្រហស្បតិ៍ថាមនុស្ស ៤៤ នាក់ផ្សេងទៀតបានធ្វើតេស្តិ៍រកឃើញវីរុសកូរ៉ូណាសរុបចំនួន ២១៨ នាក់ហើយ នៅលើនាវាទេសចរណ៍ Diamond Princess ដែលបានចូលចតនៅក្រុងយូកូហាម៉ា ប្រទេសជប៉ុន។

​ក្នុងចំណោម​អ្នក​ផ្ទុក​ទាំង​៤៤​នាក់​នេះ មាន​ជនជាតិ​ជប៉ុន​ចំនួន ២៩​នាក់ ជនជាតិ​ផ្សេងទៀត​១៥​នាក់ ពោលគឺ​៤៣​នាក់ ជា​អ្នកដំណើរ និង ១​នាក់​ទៀត​គឺជា​កង​នាវិក​។ នេះ​បើតាម​ការចុះផ្សាយ​របស់​សារព័ត៌មាន Japan Times​។

នាវា Diamond Princess ត្រូវបានដាក់ឲ្យនៅដាច់ដោយឡែកចាប់តាំងពីបានទៅដល់ឆ្នេរសមុទ្រជប៉ុនកាលពីដើមសប្តាហ៍មុនបន្ទាប់ពីគេបានរកឃើញថាអតីតអ្នកដំណើរម្នាក់ដែលបានចុះពីកប៉ាល់នេះមានផ្ទុកវីរុសកូរ៉ូណាកាលពីខែមុន។

​សូមបញ្ជាក់ថា នាវា​ទេសចរណ៍​មួយគ្រឿង​នេះ នឹងត្រូវ​ជប៉ុន​ឃាត់ទុក​រហូតដល់​ថ្ងៃទី​១៩ ខែកុម្ភៈ ដើម្បី​ពិនិត្យមើល​ស្ថានភាព​សុខភាព​អ្នកដំណើរ​នៅក្នុង​នាវា​៕

នៅថ្ងៃព្រហ្បត្តិ៍ទី ១៣ ខែកុម្ភៈ ឆ្នាំ២០២០ នេះ រដ្ឋមន្ត្រី​សុខាភិបាល​ជប៉ុន ចំនួនមនុស្ស​ដែលត្រូវបាន​គេ​រកឃើញថា មាន​ផ្ទុក​ជំងឺ COVID-19 នៅក្នុង​នាវា​កម្សាន្ត Diamond Princess សរុបចំនួន ២១៨ នាក់ហើយ ពោលគឺកើនឡើង ៤៤ នាក់បន្ថែមទៀត៕


Loading...