ខេត្តកណ្ដាល៖ ក្រោមការដឹកនាំដោយផ្ទាល់របស់លោក ឧត្តមសេនីយ៏ ស្នងការនគរបាលខេត្តកណ្តាលកម្លាំងអធិការដ្ឋាននគរបាល ដឹកនាំដោយលោក វរសេនីយ៏ទោ យី វណ្ណដា អធិការនៃអធិការនគរបាលក្រុងតាខ្មៅបានដឹកកម្លាំងតាមប្រមាញ់មុខ សញ្ញាឆក់យ៉ាងសកម្មនៅទីក្រុងតាខ្មៅ និងរាជធានីភ្នំពេញ បានធ្វើការឃាត់ខ្លួនជនសង្ស័យចំនួន៣នាក់ កាលពីថ្ងៃទី០២ ខែមេសា ឆ្នាំ២០២០ ត្រង់ចំណុច ផ្ទះសំណាក់អង្គរជ័យតែម្តង។
ជនរងគ្រោះទី១.មានឈ្មោះថា ឈ្មោះ សុខស្រីលន់ភេទស្រី អាយុ៣១ឆ្នាំ មានទីលំនៅភូមិព្រែកហូរលិចសង្កាត់ព្រែកហូរ ក្រុងតាខ្មៅ ខេត្តកណ្តាល,មុខរបរលក់ដូរ។កើតហេតុកាលពីថ្ងៃ៣០ ខែមីនា ឆ្នាំ២០២០ ម៉ោង១៤និង០០នាទី ត្រង់ចំណុច តាមផ្លូវមុខហាងត្រជាក់ចិត្តថ្មីភូមិកំពង់សំណាញ់សង្កាត់កំពង់សំណាញ់ ក្រុងតាខ្មៅ ខេត្តកណ្តាល។
ជនរងគ្រោះទី២. ឈ្មោះ សៅ ស្រីណុចភេទស្រី អាយុ៣២ឆ្នាំ មានទីលំនៅភូមិកោះក្របីសង្កាត់ព្រែកថ្មី ខណ្ឌច្បារអំពៅ ភ្នំពេញ,មុខរបរបុគ្គលិកពេទ្យឯកជន។ កើតហេតុ ថ្ងៃទី០១ ខែមេសា ឆ្នាំ២០២០ ម៉ោង០៥និង ០០នាទី ព្រឹក ត្រង់ចំណុច តាមផ្លូវរង្វង់មូលវត្តព្រែកប្រាភូមិ+សង្កាត់ព្រែកប្រា ខណ្ឌច្បារអំពៅ ភ្នំពេញ។
ជនរងគ្រោះទី៣. ឈ្មោះ សួនកញ្ញាភេទស្រី អាយុ៣៦ឆ្នាំ មានទីលំនៅភូមិព្រែកហូរលិចសង្កាត់ព្រែកហូរ ក្រុងតាខ្មៅ ខេត្តកណ្តាល,មុខរបរលក់ដូរ។ កើតហេតុ ថ្ងៃទី១៨ខែមីនា ឆ្នាំ២០២០ ម៉ោង០៨និង០០នាទី ត្រង់ចំណុច តាមផ្លូវជាតិលេខ២ភូមិតាក្តុលសង្កាត់តាក្តុល ក្រុងតាខ្មៅ ខេត្តកណ្តាល។
ជនរងគ្រោះទី៤. ឈ្មោះអ៊ូសុខាភេទស្រី អាយុ៥៩ឆ្នាំ មានទីលំនៅភូមិទួលរកា៣សង្កាត់ចាក់អង្រែក្រោម ខណ្ឌមានជ័យ ភ្នំពេញ,មុខរបរមន្ត្រីចូលនិវត្តន៏។ កើតហេតុ ថ្ងៃទី១៧ ខែមីនា ឆ្នាំ២០២០ ម៉ោង១៩និង ៣០នាទីត្រង់ ចំណុច តាមផ្លូវលេខ២១ភូមិតាខ្មៅសង្កាត់តាខ្មៅ ក្រុងតាខ្មៅ ខេត្តកណ្តាល។
ចំណែកជនសង្ស័យទាំងបីនាក់នោះរួមមាន៖
១-ឈ្មោះ ម៉ែន រិទ្ធី ភេទប្រុស អាយុ១៨ឆ្នាំ មានទីលំនៅភូមិព្រែកសំរោង១ សង្កាត់តាខ្មៅ ក្រុងតាខ្មៅ ខេត្តកណ្តាល មុខរបរមិនពិតប្រាកដ(ឃាត់ខ្លួន)។
២-ឈ្មោះ រ៉ន ម៉េងហួរ ភេទប្រុស អាយុ១៩ឆ្នាំ មានទីលំនៅភូមិព្រែកសំរោងសង្កាត់តាខ្មៅ ក្រុងតាខ្មៅ ខេត្តកណ្តាល មុខរបរមិនពិតប្រាកដ(ឃាត់ខ្លួន)។
៣-ឈ្មោះម៉ាត់សុខគ្រី ភេទប្រុស អាយុ២០ឆ្នាំ មានទីលំនៅភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល មុខរបរមិនពិតប្រាកដ(ឃាត់ខ្លួន)។
រីឯវត្ថុតាងចាប់យក៖ ១-ម៉ូតូ១គ្រឿងម៉ាកHonda c125ពណ៍ខ្មៅ សេរី២០១៤ផ្លាកលេខ កណ្តាល១S ៦៣០៧(របស់ជនសង្ស័យ)។ ២-កាបូបដាក់លុយមានរូទពណ៍ប្រផេះចំនួន១(របស់ជនរងគ្រោះ)។ ៣-កាបូបស្ពាយពណ៍ប្រផេះចំនួន១(របស់ជនសង្ស័យ)។ ៤-កាបូបដៃចំនួន១ពណ៍ក្រឡា(របស់ជនរងគ្រោះ)។ ៥-កាបូបដៃចំនួន៣របស់(ជនសង្ស័យ)។ ៦-ទូរសព្ទ័ចំនួន៤គ្រឿង(iphon6 ចំនួន២គ្រឿង+សាំស៊ុង១គ្រឿង+ម៉ាកMi មួយគ្រឿង)។ ៧-អត្តសញ្ញាណបណ្ណ័របស់ជនរងគ្រោះ១សន្លឹក(សៅស្រីណុច)។ ៨-សៀវភៅធនាគារ១សន្លឹករបស់ជនរងគ្រោះឈ្មោះសៅស្រីណុច។៩-រូបថតរបស់ជនរងគ្រោះឈ្មោះសៅស្រីណុចមួយចំនួន។ ១០-ខ្សៃដៃធ្វើពីលោកហៈធាតុពណ៍លឿង១ខ្សៃរបស់ជនសង្ស័យ។ ១១-លុយដុល្លាចំនួន$22 ។ ១២-លុយខ្មែរចំនួន៦៨២០០ម៉ឺនរៀល។
សម្ភារ:បាត់បង់: ១-កាក់មាសទម្ងន់២ជី១។ ២-កាបូបដាក់លុយចំនួន៤។ ៣-លុយខ្មែរ៧០ម៉ឺនរៀល។ ៤-ទូរសព្ឌ័២គ្រឿង(oppoមួយនិងNចុចពិលមួយ)។ ៥-កងដៃ២និងខ្សែកមាសមួយខ្សែទម្ងន់៧ជីមួយខ្សែ។ ៦-ឯកសារមួយចំនួន។
សភាពនៃរឿងហេតុ៖ កាលពីពេលវេលាកើតហេតុខាងលើ ជនរងគ្រោះបានជិះម៉ូតូតែម្នាក់ឯងចេញពីរបស់គាត់មកដល់ចំណុ់ខាងលើពេលនោះ ស្រាប់តែឃើញជនសង្ស័យ២នាក់ជិះម៉ូតូ១គ្រឿងម៉ាកសង់ពណ៍ខ្មៅសេរី២០១៤កាំរន្ទះពណ៍ខ្មៅផ្លាកលេខកណ្តាល១s ៦៣០៧បានធ្វើសកម្មភាពឆក់កាបូបរបស់គាត់ ហើយជិះគេចខ្លួនបាត់ទៅ។លុះមកដល់ថ្ងៃទី០២/០៤/២០២០ ទើបសមត្ថកិច្ចយើងបានទទួលពត៍មានពីមេការផ្ទះសំណាក់អង្គរជ័យថាមានមុខសញ្ញាសង្ស័យ៣នាក់ជិះម៉ូតូខាងលើចូលដេកក្នុងផ្ទះសំណាក់របស់គាត់ រួចកំលាំងយើងបានចុះទៅឃាត់ខ្លួននិងវត្ថុតាងយកមកចាត់ការតាមនិតិវិធីតែម្តង។
តាមចំលើយសារភាពជនសង្ស័យធ្លាប់បានធ្វើសកម្មភាពឆក់កាបូបគេបានសម្រេចចំនួន៤ដង ដូចរៀបរាប់ខាងលើ ប្រាកដមែន៕
ប្រភព៖ អធិការដ្ឋាននគរបាលក្រុងតាខ្មៅ
