(ភ្នំពេញ)៖ តារាសម្ដែងស្រីតួជំទាវ កញ្ញា ហេង ស្រីពេជ្រ ក្រៅពីមមាញឹកនឹងការសម្ដែងខ្សែភាពយន្ត គេសម្គាល់ឃើញថា តារាសម្ដែងសំបូរសាច់រូបនេះ ក៏ហាក់មានទឹកមាត់លេបច្រើន ក្នុងការសម្ដែង MV បទចម្រៀងក្នុងឱកាសបុណ្យចូលឆ្នាំថ្មី ខណៈថ្មីៗនេះ បណ្ដាគ្រប់ផលិតកម្ម បានទាក់ទងឲ្យនាងថតចម្រៀង ដើម្បីត្រៀមបញ្ចេញលើទីផ្សារ ទាំងបទញាក់កន្ត្រាក់អារម្មណ៍ និងគ្រប់ចង្វាក់ប្រពៃណី ជាញឹកញាយ នាឱកាសចូលឆ្នាំថ្មី។

យ៉ាងណាមិញ តារាស្រីរូបនេះ ត្រូវជនអនាមិក បង្កើតគណនីក្លែងក្លាយដែលប្រើប្រាសរូបរបស់គាត់ មិនដឹងបង្កើតគណនីហ្វេសប៊ុកនេះ ដើម្បីផលប្រយោចន៍អ្វីឡើយ នេះជាការសរសររៀបរាប់របស់តារាសម្តែង ហេង ស្រីពេជ្រ "នាងខ្ញុំ ហេង ស្រីពេជ្រ សូមធ្វើការបដិសេធទាំងស្រុង នូវគណនីហ្វេសប៊ុកមានឈ្មោះថា «Rim Oun» ដែលបានយករូបថតនាងខ្ញុំ ទៅបង្កើតគណនីហ្វេសប៊ុក ដោយមិនដឹងថាក្នុងចេតនាល្អ ឬអាក្រក់នោះឡើយ! នាងខ្ញុំសូមមិនទទួលខុសត្រូវចំពោះទង្វើរបស់គណនីហ្វេសប៊ុកខាងលើនេះ ចំពោះរាល់សកម្មភាពទាំងអស់ ដែលបានកើតឡើង ទាំងការងារសិល្បៈ និងសកម្មភាពផ្សេងៗ"។