កាលពីថ្ងៃម្សិលមិញនេះ នៅលើផេកផ្លូវការរបស់លោក ផែង វណ្ណៈ បានបង្ហោះសារថា "លោកអធិការខណ្ឌពោធិ៍សែនជ័យ អោយមន្ត្រីចរាចរណ៍យកលុយសងពលរដ្ឋវិញ
បន្ទាប់ពីមានការរិះគន់នៅលេីបណ្ដាញសង្គម ហ្វេសប៊ុក អំពី មន្ត្រីនគរបាលចរាចរណ៍ខណ្ឌពោធិ៍សែនជ័យ ចាប់ម៉ូតូប្រជាពលរដ្ឋយកទៅទុកនៅខណ្ឌផាកពិន័យ ២៥០០០រៀល និង យកថ្លៃ រក្សាទុកនៅខណ្ឌ១យប់ ៣០០០០ រៀល ព្រោះតែ ជិះម៉ូតូបេីកភ្លេីងពេលថ្ងៃនោះ នៅរសៀលថ្ងៃទី ៥ ខែ មេសា ឆ្នាំ ២០២០ អធិការខណ្ឌពោធិសែនជ័យ បានបេីកកិច្ចប្រជុំបន្ទាន់មួយដេីម្បីពិនិត្យមើលករណីនេះ ។ ជាលទ្ធផលនៃកិច្ចប្រជុំ លោក អធិការ បានរកឃេីញ នាយរងផ្នែកមួយរូបពិតជាបានយកលុយលេីសប្រាក់ពិន័យចំនួន ៣០០០០ រៀល ពិតប្រាកដមែន ។ លោកអធិការបានអោយដឹងថា លោកបានអោយនាយរងផ្នែករូបនោះ ធ្វេីស្វ័យរបាយការណ៍ ដេីម្បីរាយការណ៍ជូន លោកស្នងការ ។
ចំពោះប្រាក់ ៣០០០០ រៀលដែលយកលេីសនោះ លោកអធិការ បានអោយនាយរងផ្នែករូបនោះយកមកប្រគល់ជូនម្ចាស់ម៉ូតូវិញ ។ លោកអធិការមានការសោកស្ដាយយ៉ាងខ្លាំងចំពោះមន្ត្រីក្រោមឱវាទដែលបានធ្វេីអោយប៉ះពាល់សតិអារម្មណ៍របស់ប្រជាពលរដ្ឋ ។ លោកមិនគាំទ្រទេចំពោះមន្ត្រីខិលខូច ។
ប្រភព៖ Pheng Vannak News
