អំឡុងពេលដែលបងប្អូន ក៏ដូចជាបុគ្គលិកជួបនូវការលំបាក ម្ចាស់ភោជនីយដ្ឋានរំដួលតាកែវ និង VIP Club សម្រេចចែកស្បៀងជួយដោះទុក្ខលំបាក របស់បុគ្គលិក ជាង១០០នាក់ ដើម្បីបានស្បៀងទុកសម្រាប់ពិសារនៅពេលនេះ។
នៅក្នុងគណនីហ្វេសប៊ុកមួយដែលមានឈ្មោះថា Cheak Lucky គាត់បានធ្វើការបង្ហោះសារថា "ជំនាន់វីរុសកូរូណា សូមបងប្អូនទាំងអស់ជាបុគ្គលិកដែលខ្វះខាតជាបងជាប្អូនត្រូវបានសំរាកបណ្តោះអាសន្ន១រយះ សូមមកទទួលយកនៅគ្រឿងឧបភោគបរិភោគតិចតួចមួយចំនួន ដោយក្តីនឹករលឹក ។ ក្នុង១នាក់ទទួលបាន អង្ករ១បាវ ត្រីខ១យួរ នៅព្រឹកថ្ងៃទី ៦ខែ៤ឆ្នាំ២០២០ ខាងមុខនេះ ជាកំណត់ សូមមេត្តារួសរាន់ ប្រាប់តគ្នាផងបងប្អូន។
បញ្ចាក់សូមពាក់ម៉ាសមកទទួល ដាច់ខាត ទទួលជាសម្ភារះសុទ្ធ រយះពេលត្រឹមតែ១ថ្ងៃពីម៉ោង៨ព្រឹកដល់ម៉ោងដល់ម៉ោង ១១ព្រឹក"។
ជាមួយគ្នានោះផងដែរ ក៏មានបងប្អូនជាច្រើនបានសម្តែងការត្រេកអរ និងថ្លែងអំណរគុណចំពោះទឹកចិត្តដ៏ល្អ ប្រពៃ របស់ម្ចាស់ហាង ដែលដឹកពីសុខទុក្ខបុគ្គលិក ដែលនៅក្នុងពេលនេះគាត់ពិតត្រូវការជំនួយខ្លាំងណាស់ ៕
ប្រភព៖ Cheak Lucky
