ភ្នំពេញ ៖ បុរសជនជាតិឥណ្ឌាម្នាក់ មិនស្គាល់អត្តសញ្ញាណ បាននាំបុរសភេទទី៣ម្នាក់ ឈរនៅលើសួនច្បារមាត់ទន្លេ ឡើងឋានសួគ៌នៅក្នុងភោជនីយដ្ឋានឥណ្ឌា រហូតបានសម្រេច ស្រាប់តែជនជាតិឥណ្ឌារូបនោះ ស្រែកថា បាត់លុយចំនួន៣,២៥០ដុល្លារ បង្កការភ្ញាក់ផ្អើលដល់សមត្ថកិច្ចចុះមកសួរនាំ ។
ហេតុការណ៍នេះកើតឡើងកាលពីវេលាម៉ោង៤និង១៥នាទីទៀបភ្លឺ ថ្ងៃទី១៤ មេសា ២០២០ តាមបណ្តោយផ្លូវព្រះស៊ីសុវត្ថិ នៅចំណុចភោជនីយដ្ឋានឥណ្ឌាមួយកន្លែង ទល់មុខមាត់ទន្លេ ស្ថិតក្នុងសង្កាត់ផ្សារកណ្តាល១ ខណ្ឌដូនពេញ ។
បុរសភេទទី៣ មានឈ្មោះ ហេង សុណា ហៅស្រីកែវ ជាប្រុសតែងខ្លួនជាស្រី អាយុ២៨ឆ្នាំ ។ ចំណែកបុរសជនជាតិឥណ្ឌា មិនស្គាល់អត្តសញ្ញាណនោះទេ មានអាយុប្រហែល៤០ឆ្នាំ ។
បើតាមប្រភពពីសាក្សី បានអោយដឹងថា មុនពេលកើតហេតុ គេបានឃើញបុរសជាជនជាតិឥណ្ឌាម្នាក់ស្រវឹងស្រា ហើយបានទៅបបួលភេទទី៣ម្នាក់ដែលឈរនៅលើសួនច្បារមាត់ទន្លេ ដោយត្រូវរ៉ូវគ្នា ក្នុងតំលៃ៥ដុល្លារ ក៏នាំចូលទៅក្នុងហាងរបស់ជនជាតិឥណ្ឌានៅទល់មុខនោះ ដើម្បីរួមរ័ក អស់រយៈពេលជិត១ម៉ោង រហូតភេទទី៣ ទ្រាំលែងបាន ក៏សុំទារលុយ៥ដុល្លារ ដើម្បីចេញមកវិញ ប៉ុន្តែ ជនជាតិឥណ្ឌា និយាយជាភាសាអង់គ្លេសថា ខ្លួនបាត់លុយអស់ចំនួន៣,២៥០ដុល្លារ ហើយភេទទី៣ប្រកែកថា ខ្លួនមិនបានយកនោះទេ តែជនជាតិឥណ្ឌាម្នាក់នោះ ចោទថា ពិតជាភេទទី៣ជាអ្នកលួចពិតមែន ។
ភ្លាមៗនោះដែរ ក៏សមត្ថកិច្ចមូលដ្ឋានចុះមកកន្លែងកើតហេតុ ដើម្បីធ្វើការឃាត់ខ្លួនភេទទី៣យកទៅសួរនាំ នៅប៉ុស្តិ៍រដ្ឋបាលនគរបាលផ្សារកណ្តាល១ បន្ទាប់មកបុរសជនជាតិឥណ្ឌា បានទៅដាក់ពាក្យបណ្តឹងតាមក្រោយ ដើម្បីអោយសមត្ថកិច្ចចាត់ការតាមនីតិវិធី ៕ ដោយ
