បន្ទាប់ពី លោកមានគុណ មានបានធ្លាក់ខ្លួនឈឺ មក ក្នុងនាមជាកូនប្រុសម្នាក់ លោក ករុណា ពេជ្រ បានបំពេញតួនាទី ជាកូនដ៏ល្អ បានមើលថែលោកមានគុណយ៉ាងដិតដល់ បើទោះបីជាលោកមានគុណមិនស្គាល់រូបលោកក៏ដោយ ក៏លោកប្រឹងមើលថែឪពុក បានយ៉ាងល្អ ។
ជាក់ស្តែងកាលពីថ្ងៃទី២៣ ខែមេសា ឆ្នាំ២០២០នេះ លោកបានរើចេញពីផ្ទះហើយ ដើម្បីទៅរស់នៅក្នុងផ្ទះថ្មីៗ។ ជាមួយអនុស្សាវរីយ៍ជាច្រើន ដែលលោកនិងប៉ារបស់លោកបានសាងជាមួយគ្នា ធ្វើឲ្យស្ទើរតែស្រក់ទឹកភ្នែក ពេលត្រូវចាកចេញពីផ្ទះមួយនេះ ។
លោកបានរៀបរាប់ថា "និយាយអារម្មណ៏ពិតមួយ មិនមានបំណងអោយបងប្អូនអាណិតទេ តែអារម្មណ៏ពិត មិនដឹងថាបងប្អូនធ្លាប់មានអារម្មណ៏ដូចខ្ញុំដែរទេ..??
ពេលរេីផ្ទះ ដូចមានអារម្មណ៏ចង់ហូរទឹកភ្នែកម៉េចទេ...នឹកប៉ា អាណិតប៉ា ស្រណោះអនុស្សាវរីយ៏តស៊ូយ៉ាងច្រេីនជាមួយប៉ាក្នុងផ្ទះមួយនេះ... ប៉ាឈឺហេីយ អញ្ចឹងប៉ាអង្គុយអោយស្ងៀម កូនអាចធ្វេីបាន ...មួយជាតិនេះ កូននឹងចំណាយពេលវេលា រួមទាំងថវិកា ជាមួយប៉ា អស់ម៉ានក៏តាមនឹងចោះ ព្រោះប៉ាមានតែកូនមួយ គឺ កូន... ទោះបីប៉ាពិការ មិនស្គាល់កូនក៏ដោយ ក៏កូននៅតែដឹកដៃប៉ាដេីរជាមួយគ្នាបន្តទៀត.... ថ្ងៃនេះ ខ្ញុំ និង ប៉ា សូមលាពីផ្ទះមួយនេះហេីយ... អរគុណរយះពេលជា 5 ឆ្នាំ ដែលអ្នកបានជួយចំរុងចំរេីនខ្ញុំ... សូមឯងបន្តនាំលាភ ជូនដល់ម្ចាស់ឯងថ្មីផងណា..."។
ប្រភព៖ Karona Pichtown
